ޖަރުމަނުގެ ފުލުހުން ހޮނިހިރު ދުވަހު މިއުނިކް އެއާޕޯޓު ސަރަހައްދަށް ގަވާއިދާ ޚިލާފަށް ވަން، ކްލައިމެޓް އެކްޓިވިސްޓުންގެ ތެރެއިން އަށް މީހަކު ހައްޔަރުކޮށްފައިވާއިރު، އެކަމުގެ ސަބަބުން އެއާޕޯޓު ބަންދުވެ، ޗުއްޓީ ހަފުތާ ބަންދުގައި 60 އެއްހާ ފްލައިޓް ކެންސަލްކުރިއެވެ.
އެކްޓިވިސްޓުންގެ ތެރެއިން ހަ މީހަކު ރަންވޭއެއްގައި ތެރަސްލާ އަމިއްލައަށް ތަތްވި ކަމަށް ފުލުހުންގެ ތަރުޖަމާނަކު ވިދާޅުވި އިރު، މިހާރު ހާލަތު ކޮންޓްރޯލް ކުރެވިފައިވާ ކަމަށާއި އެއާޕޯޓުގެ ދެ ރަންވޭ ވެސް ހުޅުވާލާފައިވާ ކަމަށެވެ.
މީގެ ކުރިން ވެސް މިފަދަ މުޒާހަރާތައް ހިންގާފައިވާ ކްލައިމެޓް ގްރޫޕް ލާސްޓް ޖެނެރޭޝަނުން ރަންވޭއެއް ނުވަތަ ޓާމަކެއް ކަމަށް ފެންނަ ތަނެއްގައި މުޒާހަރާގެ ނިޝާންތައް ޖަހާފައިވާ ޕޯސްޓެއްގައި އެ އަމަލުގެ ޒިންމާ ނަގާކަމަށް ބުނެފައިވެއެވެ.
އެ ގްރޫޕުން ފަހުން ބުނީ ބޯޓުތައް ހުއްޓުވުމަށް ލޯކަލް ގަޑިން ހެނދުނު 4:45 ގައި (0245 ޖީއެމްޓީ) އެއާޕޯޓްގެ ރަންވޭ މަތީގައި ހަ މީހަކު އިށީނދެގެން ތިބި ކަމަށާއި ރޭލްގެ ބަދަލުގައި އެއާލައިންތަކަށް ސަބްސިޑީ ދިނުމުން ބާލިންއަށް ފާޑުކިޔާ ކަމަށެވެ.
"މައްސަލައަކީ ސަރުކާރު، އަޅުގަނޑުމެންގެ ޗުއްޓީއެއް ނޫން،" އޭގެ ތެރެއިން އެއް ނިޝާނުގައި ލިޔެފައިވެއެވެ.
ޖަރުމަނުގެ އިންޓީރިއާ މިނިސްޓަރު ނޭންސީ ފޭސަރ ވިދާޅުވީ އެއާޕޯޓުގައި އަޅާފައިވާ ސަލާމަތީ ފިޔަވަޅުތައް މުރާޖައާ ކުރާނެ ކަމަށެވެ.
"މިފަދަ ޖިނާއީ އަމަލުތަކުގެ ސަބަބުން ވައިގެ ދަތުރުފަތުރަށް ނުރައްކާވެ، މޫސުމީ ރައްކާތެރިކަމަށް ގެއްލުން ލިބެނީ ހަމައެކަނި ފުރައްސާރައާއި ރުޅިވެރިކަން އުފެދޭތީ،" އެކްސްގައި ލިޔުއްވާފައިވެ އެވެ.
"ކުށްވެރިންގެ ފަހަތުން ވަރުގަދައަށް ދާން ޖެހޭ،" އޭނާ ވިދާޅުވިއެވެ.
ޖަރުމަނުގެ ޓްރާންސްޕޯޓް މިނިސްޓަރު ވޮލްކާ ވިސިންގް ވިދާޅުވީ ޖިނާއީ މިފަދަ އަމަލުތަކަށް ދެ އަހަރަށް ޖަލަށް ލުމުގެ އަދަބު ދިނުމަށް އާ ގާނޫނުތަކެއް ބޭނުންވާ ކަމަށެވެ. މިހާރުގެ ގާނޫނުތަކުގައި އެކަންކަން ގިންތިކޮށްފައިވަނީ ކުދިކުދި ކުށްތަކުގެ ގޮތުގައެވެ.
އެއާޕޯޓުގެ ތަރުޖަމާނަކު ވިދާޅުވީ އެއާޕޯޓް އުދުހުމާއި ލޭންޑިން އަށް ފުރިހަމައަށް ބަންދުކޮށްފައި އޮންނަތާ ގާތްގަނޑަކަށް ދެ ގަޑިއިރު ވެފައިވާ ކަމަށެވެ. ގާތްގަނޑަކަށް 11 ފްލައިޓެއް ޑައިވަރޓްކޮށް، 60 ފްލައިޓެއް ކެންސަލްކޮށްފައިވާއިރު، އަދިވެސް ލަސްވުން އެކަށީގެންވާ ކަމަށް އެ މީހާ ބުންޏެވެ.
މި ބުރޫ އަރާފައިވަނީ ޖަރުމަނުގެ ދެކުނުގެ އެއާޕޯޓަށް ދަތުރުތައް އެންމެ ބިޒީ އެއް ދުވަސްވަރު ކަމަށް އެއާޕޯޓުން ބުނެއެވެ.
