ދިވެހީންގެ ރާއްޖެ އޮތީ އެޑްވައިޒަރެއްގެ އަތްދަށުވެފައިކަމަށް ރައްޔިތުންގެ މަޖިލީހުގެ ފުވައްމުލަކު މެދު ދާއިރާގެ ކުރީގެ މެމްބަރު އަދި ސަރުކާރު ނިސްބަތްވާ ޕާޓީ ޕީއެންސީގެ ކުރިގެ ސެކެރެޓަރީ ޖެނެރަލް ޝިފާގު މުފީދު ވިދާޅުވެއްޖެއެވެ.

ޝިފާގު މިފަދައިން ވިދާޅުވީ ހޯމަ ދުވަހުގެ ރޭ ރައީސް އަބްދުﷲ ޔާމީން އަލަށް އުފައްދަވާ ޕާޓީ ޕީޕަލްސް ނެޝަނަލް ފްރޮންޓް (ޕީއެންއެފް)އިން ބޭއްވި ޖަގަހަ ޖަލްސާގައި ވާހަަކަ ދައްކަވަމުންނެވެ.

ޝިފާގު ވިދާޅުވީ މިހާރު ގައުމުގައި އޮތް ހާލަތަކީ ލަވައެއްގައި ކިޔާ މަންޒަރެއް ފަދަ ހާލަތެއް ކަމަށެވެ. އެގޮތުން ޝިފާގުވަނީ އެ ލަވައިގެ އެ ޅެން ބަހުރުވަ ވިދާޅުވެފައެވެ.

ޝިފާގު ވިދާޅުވީ، ސަރުކާރުގެ ހުންގާނުގެ ބާރު ރައީސް ޑރ. މުހައްމަދު މުއިއްޒު އަތުން ދޫވެގެން ދިއުމަކީ ހިތާމަ ހުރި ކަމެއް ކަމަށާ ލަގަން ދޫވެއްޖެ ނަމަ ދެން ކަރުނަ އަޅާ ރޯން ޖެހުން އޮންނާނީ ދުުރުގައި ނޫން ކަމަށެވެ.