އަދުގެ ސަރުކާރު ހިންގުން ބައްޓަން ކުރާ އުސޫލުތަކަށް މަޖިލީހުގެ ފުވައްމުލަކު މެދު ދާއިރާގެ ކުރީގެ މެމްބަރު އަދި އަދުގެ ސަރުކާރު ނިސްބަތްވާ ޕީއެންސީގެ ކުރިގެ ސެކެރެޓަރީ ޖެނެރަލް ޝިފާގު މުފީދު ފާދުވިދާޅުވެއްޖެއެވެ.

ޝިފާގުގެ ފާޑުކިޔުން ސަރުކަރަށް އަމާޒުކުރެއްވީ ހޯމަ ދުވަހުގެ ރޭ ޕީއެންފެގެ ފަރާތުން ބޭއްވި ޖަގަހަ ޖަލްސާގައި ވާހަކަ ދައްކަވަމުންނެވެ.

ޝިފާގު ވިދާޅުވީ، ރައީސް މުހައްމަދު އަމީންގެ ޒައާމަތުން ފެށިގެން ރައިސް އިބްރާހިމު މުހައްމަދު ސޯލިހުގެ ވެރިކަމުގެ އަހަރުތަކުގައިވެސް މީހުން މަގާމުތަކަށް އައްޔަން ކުރި މަންޒަރު ފެނިގެން ގޮސްފައިވާ ކަމަށާ ނަމަވެސް ރައީސް މުހައްމަދު މުއިއްޒުހާ ދޯހަޅި ވެރިން އައްޔަންކުރައްވާ ބޭފުޅަކު ފެނިގެން ނުދާ ކަމަށެވެ. އެގޮތުން މަގާމުތަކަށް އައްޔަން ކުރާ މީހުން އޭގެ އަނެއް ދުވަހު މަގާމުން ވަކިކޮށް އޮއްވަޅު ގޮނޑި ހިލާހެން ހިލާ މަންޒަރު ފެންނަމުން ދާ ކަމަށް ވިދާޅުވެ ޝިފާގު ވަނީ މަޖާޒީ ގޮތަކަށް ރައީސް މުއިއްޒުގެ ސިޔާސަތުފުޅަށް ފާޑުވިދާޅުވެފައެވެ.

ޝިފާގު ވިދާޅުވީ، ނުކުރާނެ ކަމަށް ވިދާޅުވެ އައި ގިނަ ކަންތައްތަކެއް ވެރިކަމުގެ ތިން ހަތް ދުވަހުގެ ތެރޭގައި ކުރަން ފެށުމުން ރައީސް މުއިއްޒުއަކީ ވައުދާ ޚިލާފުވެވަޑައިގަންނަވާ ބޭފުޅެއްކަން ރައްޔިތުންނަށް ހާމަވެ މިހާރުވަނީ ރައްޔިތުންގެ އިތުބާރު ގެއްލިފައި ކަމަށެވެ.