ބޮސްނިއާގެ ގަތުލުއާންމުގައި ބައިނަލް އަޤްވާމީ ގޮތުން ފާހަގަކުރުމަށް ނެގި ވޯޓުގައި ރާއްޖެއިން ވަކި ކޮޅަކަށް ވޯޓު ދޭން ނުފެންނަކަމަށް ރާއްޖެއިން ވޯޓު ލައިފިއެވެ.

މައުލޫމާތު ލިބިފައިވާ ގޮތުގައި ރާއްޖެއިން މި ގޮތަށް އަމަލުކޮށްފައިވަނީ ޗައިނާއިން ނުފޫޒު ފޯރުވައިގެންނެވެ. ޗައިނާ އިން ވޯޓު ދީފައިވަނީ ބޮސްނިއާގެ ގަތުލުއާންމު ބައިނަލް އަޤްވާމީ ގޮތުން ފާހަގަކުރުމަށް ނުފެންނަކަމަށެވެ.

ބޮސްނިއާގެ ގަތުލުއާންމު ބައިނަލް އަޤްވާމީ ގޮތުން ފާހަގަކުރުމަށް ފެންނަކަމަށް 84 ގައުމަކުން ވޯޓު ދީފައިވެއެވެ. އަދި ނުފެންނަ ކަމަށް ވޯޓު ދީފައިވަނީ 19 ގައުމަކުންނެވެ. ވަކި ގޮތަކަށް ނުފެންނަ ކަމަށް 68 ގައުމަކުން ވޯޓު ދީފައިވާއިރު، ދިވެހިރާއްޖެ ހިމެނެނީ އޭގެ ތެރެއިންނެވެ.

ޗައިނާއިން އަންގައިގެން ރާއްޖެއިން މިފަދައިން އަމަލުކުރުމަކީ ނުރައްކާތެރި ސިގްނަލް އެއް ކަމަށް ގިނަ ފަރާތްތަކުން ދެކެއެވެ. މުސްލިމުންނަށް އަމާޒުކޮށްގެން މިހާރުވެސް ގަތުލްއާންމުތައް ހިންގަމުންދާއިރު މުސްލިމް ގައުމަކަށް ވޯޓު ދިނުމަށް ވަކި ގައުމަކުން އަންގައިގެން ރާއްޖެއިން މިފަދައިން ކަންތައްކުރުމުން ޗައިނާއަށް އަޅުވެތިވެފައިވާ މިންވަރު ހާމަކޮށްދެއެވެ.

އިންޑިއާ އަށް ރާއްޖެ އަބަދުވެސް އަޅުވެތިވެފައިވާ ކަމަށާއި އިންޑިއާއިން މުސްލިމުންނަށް ކުރާ ފުރައްސާރައިގެ ވާހަކަ ބުނަމުން އައި ޑރ މުއިއްޒުގެ ސަރުކާރަށް 6 މަސް ވީއިރުވެސް އިޒްރޭލުގެ ޕާސްޕޯޓްވެސް މަނާ ކުރުމުގެ ހިތްވަރެއް ލިބިފައިނެތެވެ.

އިސްލާމީ ވެރިކަމެއް ގާއިމުކުރާނެ ކަމުގެ ދަޅަ ދައްކައިގެން، ރައްޔިތުން ހޮވާފައި މިވަނީ އިސްލާމް ދީނާއި ދެކޮޅު ސަރުކާރެއްކަން ގައިމެވެ.