މާފަންނު ގެސްޓް ހައުސް އެއްގައި މީހަކު ރަހީނު ކޮށްގެން އުޅުނު މައްސަލައިގައި ހައްޔަރު ކުރި މީހާގެ ބަންދަށް 10 ދުވަސް ޖަހައިފިއެވެ.
"ސްކައި ލޭންޑް" ނަމަކަށް ކިޔާ، ވީބީ މާޓް ގޯޅި ތެރޭގައި ހުރި މި ގެސްޓް ހައުސްގައި ނޭޕާލްއަށް ނިސްބަތްވާ ފިރިހެނެއް ގެންގުޅެމުން އަންނަތާ ހަފްތާއެއް ވެފައި ވަނިކޮށް ފުލުހުންގެ އެންޓި ހިއުމަން ޓްރެފިކިން ޑިޕާޓްމަންޓް އިން ރޭގެ ވަގުތެއްގައި ވަނީ އެމީހާ ސަލާމަތްކޮށްފައެވެ.
މި މައްސަލާގައި ދެ މީހަކު ހައްޔަރުކޮށްފައިވާ އިރު، އެކަކު ވަނީ ރޭގެ ވަގުތެއްގައި ދޫކޮށްލާފައެވެ. މި ދެމީހުންނަކީވެސް ބަންގްލަދޭޝްގެ ދެ މީހުންނެވެ.
ފުލުހުން ހާމަކޮށްފައިވާ ގޮތުގައި މި އަމަލަކީ ފައިސާގެ މުއާމަލާތްތަކާއި ގުޅުން ހުރި މައްސަލައެއްކަމަށެވެ.
