ރައީސް އަބްދުﷲ ޔާމީން އަބްދުލްގައްޔޫމަށް ކެހި ދިނުމަށްފަހު، މަޖިލިސް ރައީސް އަދި ސަަރުކާރުގެ އިސް މުޝީރު އަބްދުއްރަހީމް އަބްދުﷲ (އަދުރޭ) އުޅުއްވަނީ ބައިސާ ކެނޑުމުގައި ކަމަށް ކުރީގެ ނައިބު ރައީސް ޑރ މުހައްމަދު ޖަމީލް އަހުމަދު ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން އަދުރޭއާ ބެހޭގޮތުން ފަރާތެއް ކޮށްފައިވާ ޕޯސްޓް ހިއްސާ ކުރެއްވުމަށްފަހު ޑރ ޖަމީލް ވިދާޅުވީ އަދުރޭގެ ހުތުރު އަހުލާގުން ޖީލެއް ގޯސްވުމުގެ ބިރު އެބައޮތްކަމަށެވެ.

ރައީސް ޔާމީނަށް ކެހި ދިނުމަށްފަހު ރައީސް ޔާމީންގެ ޕާޓީ އަތުލައިގަނެ އަދުރޭ އުޅުއްވަނީ ބައިސާ ކެނޑުމުގައި ކަމަށް ވިދާޅުވެ ޑރ ޖަމީލް ވަނީ އަދުރޭއަށް ވަރަށް ބޮަޑަށް ފާޑުވިދާޅުވެފައެވެ.

ޑރ ޖަމީލް ހިއްސާކުރެއްވި ފަރާތުގެ ޕޯސްޓްގައި ވެސް ވަނީ އަދުރޭއަށް ވަރަށް ބޮޑަށް ފާޑުވިދާޅުވެފައެވެ.

އަދުރޭ 20 ވަނަ ރައްޔިތުންގެ މަޖިލީހުގެ ރައީސް ކަމަށް ރައީސް މުއިއްޒު ހަމަޖެއްސުމާއެކު ގިނަ ބައެއްގެ ނުރުހުމާއި ފާޑުކިޔުން ސަރުކާރަށް ވަނީ އަމާޒުވެގެން ގޮސްފައެވެ.