ޔަމަންގެ އެތައް ހާސް ބަޔަކު މަގުމައްޗަށް ނުކުމެ ޣައްޒާއާ އެކު އެއްބައިވަންތަކަން ފާޅުކުރުމަށާއި އެމެރިކާއިން ޔަމަނަށް ދިން ހަމަލާތަކާ ދެކޮޅަށް ޔަމަންގެ ވެރިރަށް ސަނާގައި މުޒާހަރާކޮށްފިއެވެ.

ހުކުރު ދުވަހު މުޒާހަރާތައް ހިނގި ތަނުން ރިޕޯޓް ކުރައްވަމުން އަލްޖަޒީރާގެ ނޫސްވެރިޔާ، މުހައްމަދު އަލް އައްތާބު ވިދާޅުވީ އެއްވެ ތިބި ގިނަ ބަޔަކު އެމެރިކާއިން އިސްރާއީލުގެ ހަނގުރާމައަށް ތާއީދުކުރާ ކަމަށް ތުހުމަތުކޮށް، އެމީހުންގެ ފަލަސްތީނުގައި ތިބި އަޚުންގެ ފަހަތުގައި ތިބުމަށް ވައުދުވެފައިވާ ކަމަށެވެ.

ޔަމަންގެ މީހުން ދަނީ އިދިކޮޅުގެ ރުޅިވެރިކަމަށް އެމީހުން ފަރުވާލެއް ނުބަހައްޓާނެކަމަށާއި، އިދިކޮޅުން އެރައްޔިތުންނަށް ކުރާ ކޮންމެ އެއްވެސް އަނިޔާއަކަށްވެސް ފަރުވާލެއް ނުބަހައްޓާނެ ކަމަށެވެ.

އެމެރިކާއިން ޔަމަނަށް ދިން ހަމަލާތަކާ ދެކޮޅަށް މުޒާހަރާގެ ބައިވެރިން ވަނީ އަޑުގަދަކޮށް، އެމެރިކާއިން ހޫޘީންނަކީ "ޓެރަރިސްޓް ޖަމާއަތެއް" ކަމަށް ކަނޑައެޅުމުން އެކަމާމެދު ނުރުހުން ފާޅުކޮށްފައިއެވެ.

ބުދަ ދުވަހު އެމެރިކާގެ ރައީސް ޖޯ ބައިޑެން ވަނީ އިސްރާއީލާ ގުޅުން އޮންނަ ކަމަށް ބުނާ ބޯޓުތަކަށް ރަތް ކަނޑުގައި ހޫތީން ދިން ހަމަލާތަކާ ގުޅިގެން "ސްޕެޝަލީ ޑެޒިގޭޓެޑް ގްލޯބަލް ޓެރަރިސްޓް" ގްރޫޕެއްގެ ގޮތުގައި ހޫތީން އަލުން ހިމަނާފައިއެވެ.

ނަމަވެސް ހޫތީން ދަނީ ޣައްޒާއާއި ދެކޮޅަށް އިސްރާއީލުން ކުރަމުންދާ ހަނގުރާމަ ނުހުއްޓޭހާ ހިނދަކު ބޯޓުތަކަށް ދޭ ހަމަލާތައް ދެމިއޮންނާނެ ކަމަށެވެ.