ފެނިގެންދަނީ ވެރިކަމަށް އައުމުގެ ކުރިން ރައީސް ޑރ މުހައްމަދު މުއިއްޒު ވިދާޅުވި އެއްޗަކާ އަމަލާ ދިމާނުވާ މަންޒަރުކަމަށް ޕީއެންއެފްގެ ސެނެޓާރ ޑރ. އަބްދުﷲ އިބްރާހިމް ވިދާޅުވެއްޖެއެވެ.

ޑރ. އަބްދުﷲ މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން އެ ޕޯސްޓްގައި ޑރ. އަބްދުﷲ ވަނީ ރައީސް މުއިއްޒަށް ވެރިކަން ހޯދައިދިނުމަށް ޑރ. އަބްދުﷲ ވިދާޅުވި އެއްޗެއް ވެސް އަދި ހުދު ރައީސް މުއިއްޒު ވިދާޅުވި އެެއްޗެއް ވެސް އެމަނިކުފާނުގެ އަމަލުން ނުފެންނަ ކަމަށް ފާހަގަކުރައްވާފައެވެ.

ރައީސް މުއިއްޒުގެ މިސްރާބު ހުރީ ދިވެހިންގެރާއްޖެ އިން އެހެން ގައުމިއްޔަތަކާ ދިމާލަށް ކަމަށް ވިދާޅުވެ ޑރ. އަބްދުﷲ ވަނީ ރައީސް މުއިއްޒަށް ފާޑުކިޔުން އަމާޒުކުރައްވާފައެވެ.

އިތުރަށް ޑރ. އަބްދުﷲ ވިދާޅުވީ އެހާ މަސައްކަތުން ގެނައި ވެރިކަން މިވީ މިތާ ކުރިން އޮތް އެއްޗަކަށް ކަމަށެވެ.

ޑރ. އަބްދުﷲ މިފަދައިން ވިދާޅުވެފައި އެވަނީ ރައްޔިތުންނަށްޓަކައި ވެރިކަން ކުރަން އައި ވެރިން ނިމިދިޔަ ރައީސް ޞާލިހްގެ ސަރުކާރާ އެއްގޮތައް އަމަލުތައް ބަހައްޓަން ފެށުމުންނެވެ.

ރައީސް މުއިއްޒު ރިޔާސީ އިންތިޚާބް ތެރެއިން ވެވަޑައިގެންނެވި އެއްވެސް ވައުދެއް ނުފުއްދާތީ ގިނަ ބަޔަކު އަންނަނީ އެމަނިކުފާނަށް ފާޑުކިޔަމުންނެވެ.