މަޖިލިސް ރައީސް އަދި ޕީއެންސީގެ ޗެއާރޕާސަން އަބްދުއްެރަހީމް އަބްދުﷲ އަށް ކުރީގެ ނައިބު ރައީސް ޑރ މުހައްމަދު ޖަމީލް އަހުމަދު ނަސޭހަތްތެރިވެއްޖެއެވެ.

ޑރ ޖަމީލް މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން އެ ޕޯސްޓްގަައި ޑރ ޖަމީލް ވަނީ ވަގުތު ފާއިތުނުވަނީސް އުނގެނުމަށް މަސައްކަތް ކުރުމަށް ގޮވާލާފައެވެ.

އޭގެއިތުރުން ދަރިން ލިބި މުސްކުޅިވާއިރު އައުގުރާނަ ގޮވުން ހުއްޓަން ދަސްކުރުމަށް ގޮވާލާފައިވެސް ވެއެވެ.

ޑރ ޖަމީލް އިތުރަށް ނަސޭހަތް ދެއްވަމުން ވިދާޅުވީ ތިމާއަށްވުރެ ބޮޑަތި މީހުން، ތިމާއަށް އިޙްސާންތެރިވެފައި ތިއްބެވި ރައީސް އަބްދުﷲ ޔާމީން އަބްދުލްގައްޔޫމް ފަދަ ބޭފުޅުންނަށް އިޙްތިރާމް ކުރުމަށެވެ.

އޭގެއިތުރުން ބޮޑާ ނުވުމަށް ވެސް ޑރ ޖަމީލް ވަނީ އަދުރޭ އަށް ގޮވާލާފައެވެ.

މިއަދު ކިތަންމެ މަތީގައި ހުއްޓަސް ހާލަތު ބަދަލު ވާން ނަގާނީ ހިނދު ކޮޅެއް ކަމަށާއި ޕޯސްޓްގައި ޑރ ޖަމީލް ހިމަނުއްވާފައިވާ އާޔަތް ޕްރިންޓްކޮށް ޖީބަށް ލައިގެން އުޅުމަށް ވެސް ވަނީ އަދުރޭއަށް ނަސޭހަތްތެރިވެފައެވެ.

އަދުރޭ އަމިއްލަ އަށް މިހާރުގެ ރައީސް، ރައީސް ޑރ މުއިއްޒު އަށް ރިޔާސީ ޓިކެޓް ދިނުމަށް ކުރިއާލާ ނިންމާފައިވާކަމަށް އިއުތިރާފް ވުމުން ގިނަ ބައެއްގެ ފާޑުކިޔުން އަންނަނީ އަދުރޭއަށް އަމާޒުވަމުންނެވެ.