ސަރުކާރުގެ ޚަރަދުތައް އަތްނުފޯރާފަށުގައި ހުރި ނަމަވެސް ޚަރަދު ކުޑަކުރަންވީ ނިކަމެތި ރައްޔިތުން ކަމަށް ރައީސް ޑރ މުހައްމަދު މުއިއްޒުގެ ވާހަކައިން ދޭހަވެއްޖެއެވެ.

ރައީސް ޑރ.މުޢިއްޒު މިފަދައިން ދިވެހި ރައްޔިތުންގެ ކިބައިން އެދިވަޑައިގަތީ ހިޖުރީ އައު އަހަރު ފެށުމުގެ މުނާސަބަތުގައި ދިވެހިރާއްޖޭގެ ރައްޔިތުންނަށް ފޮނުއްވި ތަހުނިޔާގެ ހިޠާބުގައެވެ.

އެގޮތުން އެމަނިކުފާނު ވަނީ ރާއްޖޭގެ އިގްތިޞާދީ ހާލަތު ހަރުދަނާކުރުމަށްޓަކައި ހުރިހާ ފަރާތްތަކުން ވެސް ހަރަދު ކުޑަކުރުމަށް ގޮވާލާފައެވެ.

ރައްޔިތުން ޚަރަދު ކުޑަ ކުރަންޖެހޭ ކަމަށް ރައީސް މުއިއްޒު ވިދާޅުވިއިރު ޚަރަދު ބޮޑީ ސަރުކާރުގެ ކަން ފާހަގަކޮށްލެވެއެވެ.

އެގޮތުން ހަރަދުތައް ކުޑަ ކުރުމަށް ކަމަށް ފިޔަވަޅުތަކެއް އަަޅަން ނިންމަވާފައި ވާކަމަށް ރައީސް މުއިއްޒު ވިދާޅުވި ނަމަވެސް މިފަހުންވެސް ވަނީ ސަރުކާރުގެ ސިޔާސީ މަގާމްތަކަށް ފަރާތްތަކެއް އައްޔަންކޮށްފައެވެ.

ކަންކަން މިހެންހުރެ، ރައްޔިތުން ހަރަދު ކުޑަ ކުރަންޖެހޭ ކަމަށް ރައީސް ވިދާޅުވުމާއެކު އާންމުންގެ ފާޑުކިޔުން ރައީސް މުއިއްޒަށް އަންނަނީ އަމާޒުވަމުންނެވެ.