ރާއްޖޭގެ ޒުވާނުންގެ އާބާދީ (24-15) އަހަރާ ދެމެދުގެ ތެރެއިން 19 އިންސައްތަ އަކީ އެއްވެސް މަސައްކަތެއްނުކުރާ މީހުން ކަމަށް ތަފާސް ހިސާބުތަކުން ދައްކައިފި އެވެ.

ދުނިޔޭގެ އާބާދީގެ ދުވަހާ ގުޅުވައި މޯލްޑިވްސް ބިއުރޯ އޮފް ސްޓެޓިސްޓިކް (އެމްބީއެސް) އިން މި އަހަރުގެ ރާއްޖޭގެ އާބާދީގެ ތަފާސް ހިސާބުތައް ހިއްސާކޮށްފައިވާއިރު އުމުރުން 24-15 އަހަރާ ދެމެދުގެ ޒުވާނުންގެ ޖުމްލަ އާބާދީ އަކީ 53،537 އެވެ. އެއީ 25،912 ފިރިހެނުންނާ 27،625 އަންހެނުންނެވެ. މީގެ ތެރެއިން 26،006 މީހުން މާލޭގައި އުޅޭއިރު ރަށްރަށުގައި އުޅޭ އާބާދީގެ އަދަދަކީ 27،531 އެވެ.

މީގެ ތެރެއިން ވަޒީފާ އަދާނުކުރާ މީހުންގެ އަދަދަކީ 10،416 އެވެ. އެއީ 5،672 ފިރިހެނުންނާ 4،744 އަންހެނުންނެވެ.

މި ރިޕޯޓުން ފާހަގަވެފައިވާ ގޮތުގައި ރާއްޖޭގެ އާބާދީ އަންނަނީ މުސްކުޅިވަމުންނެވެ.

ޒުވާނުންގެ 19% މަސައްކަތެއް ނެތި ހުސްކޮށް ތިބި ކަމަށް ތަފާސް ހިސާބުތަކުން ދައްކާފައިވާ އިރު ސަރުކާރުން އިސްކަން ދެނީ ގާބިލުކަމެއް ނެތް ފަރާތްތަކަށް ސިޔާސީ މަގާމުތައް ދެމުންކަން ފާހަގަވެއެވެ.