ރައީސް ޑރ މުހައްމަރު މުއިއްޒު ދައުލަތް ހިންގަން ދޫކޮށްފައިވަނީ ނާގާބިލް ފަރާތްތަކަށް ކަމަށް ވިދާޅުވެ ކުރީގެ ނައިބު ރައީސް ޑރ މުހައްމަދު ޖަމީލް އަހުމަދު ފާޑުވިދާޅުވެެއްޖެއެވެ.
ޑރ ޖަމީލް މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
އެގޮތުން އެމަނިކުފާނު ވިދާޅުވީ ރައީސް މުއިއްޒުގެ ސަރުކާރުގެ ވަޒީރުންނާއި ރައްޔިތުންގެ މަޖިލީހުގެ ހާލަތު އޮތް ގޮތް ވެސް ސާފުކަމަށެވެ.
މިއީ ރައީސް މުއިއްޒުގެ ސަރުކާރުގެ ސްޓާރުންގެ ހާލަތު އޮތްގޮތް ކަމަށް ވިދާޅުވެ ޑރ ޖަމީލް ވަނީ ފާޑުކިޔުން އަމާޒުކޮށްފައެވެ.
ގައުމު މިއޮތީ އަރައިނުގަނެވޭނެ ހާލަތެއްގައި ކަމަށް ވެސް ޑރ ޖަމީލް ވަނީ ވިދާޅުވެފައެވެ.
މި ސަރުކާރުގެ ސިޔާސީ މަގާމްތަކުގައި ނާގާބިލް ފަރާތްތައް ތިބުމުން ގިނަ ބައެއްގެ ނުރުހުން އަންނަނީ ސަރުކާރަށް އަމާޒުވަމުންނެވެ.
