އިޤްތިޞާދީ ގޮތުން ގައުމު އަނދަވަޅަކަށް ވެއްޓިފައިވާ ދަނޑިވަޅެއްގައި ގައުމު ނެގެހެއްޓުމުގެ ބަދަލުގައި ރައީސުލްޖުމްހޫރިއްޔާ ޑރ މުހައްމަދު މުއިއްޒު "ގްރޫމިންގ" ކުރިއަށް ގެންދަވާ ކަމަށް ވިދާޅުވެ ކުރީގެ ނައިބު ރައީސް ޑރ މުހައްމަދު ޖަމީލް ފާޑުވިދާޅުވެއްޖެއެވެ.
ޖަމީލް އެކްސްގައި ޕީއެންއެފްގެ ސެކްރެޓަރީ މަލީހް ޖަމާލް ކުރެއްވި ޕޯސްޓެއް ޝެއަރކޮށް ވިދާޅުވެފައިވަނީ ރައީސްގެ ފަރާތުން މިފަދަ ސިފަތައް ފެނިގެން ދިޔުމަކީ ގައުމު ކޮންމެވެސް އެއް ރޮނގަކުން ތަރައްގީވުން ކަމުގައެވެ.
މީގެ އިތުރުން، ރައީސް އޮފީހުގައި އާއި ސަރުކާރުގެ އިސް ސަފުގައި މަސައްކަތްކުރާ ރައީސްގެ އާއިލީ ބޭފުޅުންނާއި އަރިސް ބޭފުޅުންތައްވެސް ހަަމަ ބީދައިން ތަރައްގީކޮށްފައިވާ ކަމަށް ޖަމީލް ބުނެފައިވެއެވެ.
ގައުމު ވެއްޓިފައިމިވާ އިގުތިސާދީ ވެއްޓުމުން އަރައިގަންނަން ސަރުކާރުން އެކަށޭނަ މަސައްކަތްތަކެއް ކުރައްވަމުން ގެންދަވާތަނެއް ނުފެނެއެވެ. ހައްތަހާވެސް ޕޯޑިއަމްތަކަށް އަރާ ހެޑްލައިން ހެދުން ނޫން ކަމެއް މި ސަރުކާރުން ކުރަމުން އަންނަ ތަނެއް ނުފެނެެއެވެ. ގައުމުގެ މިފަދަ ހާލަތުގައިވެސް ސިޔާސީ މަންފާތަކަށް ދައުލަތުގެ ބަޖެޓުން ބޮޑެތި ހޭދަތައް ކުރައްވަމުން ގެންދަވާކަން އަންނަނީ ހާމަވަމުންނެެވެ.
