ކުރީ ސަރުކާރުން ދޭން ނިންމި ގޯއްޗާއި ފްލެޓް ނުދީ މި ސަރުކާރުން ލަސްކުރަމުން ގެންދާތީ މުޒާހަރާކޮށްފި އެވެ.

ހުކުރު ދުވަހުގެ ރޭ ބްރިޖް ވިޔު ސަރަހައްދުގައި ކުރިޔަށް ދިޔަ މި މުޒާހަރާގައި މިނިސްޓަރ ހައިދަރު އާއްމުންނާއި އެކު ފީކޮއި ކުޅުއްވާ ކަމަށް އެ ބައިވެރިން ބުނެފައިވެއެވެ. އެއީ ހައިދަރު ފަދަ ބޭފުޅެއްގެ ހައިބަތަށް ވެސް ހުތުރު ކަމެއް ކަމަށް އާއްމުން ވަނީ ބުނެފައެވެ.

އެ މުޒާހަރާގައި އާއްމުން ވަނީ އެކި ފަހަރު މަތިން މަޖިލީހުގެ ތަޅުމަށާއި މަޖިލީހުގެ ކޮމިޓީ އަށް ހާޒިރުވާން މިނިސްޓަރ ހައިދަރު އަށް އެންގުމުން އެކަމަށް އިޖާބަ ނުދެއްވާ ފިއްލަވައިގެން އުޅުއްވާ ކަމަށް ސިފަކޮށް އެކަމަށް ފާޑު ކިޔާފައެވެ.

އަދި ޖަވާބުދާރީ ނުވާނަމަ ހައުސިންގ މިނިސްޓަރ ހައިދަރު މަޤާމުން އިސްތިއުފާދޭން ވެސް ވަނީ ގޮވާލާފައެވެ.