އިސްރާއީލުން ފަލަސްތީނުގައި ހިންގަމުން ގެންދަނީ ގަތުލުއާންމެއް ކަމަށް ބުނެ ދެކުނު އެފްރިކާއިން އިންޓަނޭޝަނަލް ކޯޓު އޮފް ޖަސްޓިސް (އައިސީޖޭ) އަށް ހުށަހެޅި މައްސަލާގައި އެ ކޯޓުން ނިންމި ނިންމުންތަކަށް ތަބާވާން ފޮރިން މިނިސްޓަރު މޫސާ ޒަމީރު ގޮވާލައްވައިފި އެވެ.

ކޯޓުގެ އަމުރަށް މަރުހަބާ ވިދާޅުވެ، ޒަމީރު އެކްސްގައި ކުރެއްވި ޕޯސްޓެއްގައި ވިދާޅުވީ ކޯޓުގެ ނިންމުމުން ބައިނަލްއަގުވާމީ ގާނޫނުގެ ބާރު ފެނިގެން ގޮސްފައިވާ ކަމަށެވެ.

އަދި އިޒްރޭލުން ޣައްޒާއަށް ދެމުންދާ ހަމަލާތައް ވަގުތުން ހުއްޓާލުމަށް ރާއްޖޭން ގޮވާލާފައިވެއެވެ.

އައިސީޖޭގެ އަމުރަށް ތާއީދުކޮށް ރައީސް ޑރ. މުހައްމަދު މުޢިއްޒު ވެސް ވަނީ ކޯޓުގެ ހުކުމަށް މަރުހަބާ ދަންނަވާފައެވެ.

ފަލަސްތީނުގައި މިހާރު ހިނގަމުންދާ ހަމަނުޖެހުންތައް ހުއްޓާލުމަށް އެކި އެކި ފަރާތްތަކުން އަންނަނީ ގޮވާލަމުންނެވެ.