ހައުސިން މިނިސްޓްރީގެ ޑެޕިއުޓީ މިނިސްޓަރަކު މަގާމުން ވަކިކޮށްފިއެވެ.

ވަކިކޮށްފައިވަނީ ހައުސިިންގެ ފެ ޑެޕިއުޓީއަކަށް ހުރި އެމްއެންޕީގެ ކުރީގެ ސެކްރެޓަރީ ޖެނެރަލް، ޝިނާޒު އަހުމަދުއެވެ.

ޝިނާޒު މަގާމުން ވަކިކޮސްފައިވާކަން އިތުބާރު ހުރި މަސްދަރަކުން ވަނީ "ތޭރަ އޮންލައިން"އަށް ކަށަވަރުކޮށްދީފައެވެ. އޭނާ މިދިޔަ ހަފްތާ ތެރޭ މަގާމުން ވަކި ކުރި ނަމަވެސް ޝިނާޒް ވަކި ކުރި ސަބަބެއް އަދި ސާފުވާ ގޮތް ވަނީ ނުވެފައެވެ.

ޝިނާޒް މަގާމުން ވަކި ކޮށްފައި މިވަނީ، ދައުލަތުގެ ހަރަދު ކުޑަ ކުރުމަށް މަސައްކަތްތަކެއް ކުރަމުން އަންނަ ކަމަށް ސަރުކާރުން ބުނެފައި ވަނިކޮށެވެ.

އެގޮތުން ސިޔާސީ ގޮތުން މީހުން މަދު ކުރާނެ ކަމަށް ރައީސް މުހައްމަދު މުއިއްޒު ވިދާޅުވި ނަމަވެސް އޭގެ ފަހުން ވެސް ސަރުކާރުގެ އެކި އިދާރާތަކަށް ސިޔާސީ މީހުން ބޮޑެތި މުސާރަތަކުގައި އައްޔަންކޮށްފައިވެއެވެ. އަދި ދާދި ފަހުން ވަނީ ބޭންކުތަކާ މާލީ އިދާރާތަކުގެ ގާނޫނަށް ބަދަލު ގެނެސް އެތަންތަނަށް ވެސް ސިޔާސީ މީހުން އައްޔަން ކުރެވޭ ގޮތަށް ވަނީ އިސްލާހު ގެނެސްފައެވެ.

ސިޔާސީ މަގާމުތަކުގެ އަދަދު 700 އަށް ވުރެ އިތުރު ނުކުރައްވާނެ ކަމަށް ރައީސް މުއިއްޒު ވިދާޅުވި ނަމަވެސް އެމަނިކުފާނުގެ މި ސަރުކާރުގައި ބައެއް ވުޒާރާތައް ނުލާ ވެސް ސިޔާސީ މަގާޟުތައް ވަނި އެއަށް ވުރެ އިތުރުވެފައިކަން ފާހަގަކޮށްލެވެއެވެ.