އައްޑޫއަށް އިންޑިއާ ސަފީރުގެ އިސްތިގުބާލަށް މަޖިލިސް މެމްބަރު އަހުމަދުު އަޒާން ފޮނުވާ ސަރުކާރުން ވަނީ ކީހާ ޅެން ފަރިއްސަށް ބަދަލުކޮށްފައިކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވެފައިވަނީ ދަ ފްރޮންޓް އޮފީހުގައި އާދިއްތަ ދުވަހުގެ ރޭ ކުރިއަށް ގެންދިޔަ ޖަލްސާގައި ވާހަކަފުޅު ދައްކަވަމުންނެވެ.

ރައީސް ޔާމީން ވަނީ ސިޔާސީ މީހުން މަތިން ރައްޔިތުން ފޫހިވަނީ ފޫހިވާން ޖެހިގެން ކަމަށާ އޭގެ މައިގަނޑު ސަބަބކީ ބަހާ އަމަލާ ދިމާނުވުން ކަމަށް ރައީސް މުއިއްޒު ވިދާޅުވެފައިވާއިރު، މިހާރު ރައީސް މުއިއްޒުގެ ކިބައިން ވެސް ފެނިގެން ދަނީ އެކަން ކަން ފާހަގަކުރައްވާފައެވެ.

ރައީސް ޔާމީން ވިދާޅުވީ ނޫމަޑީގެ މައްސަަލައިގައިވެސް ފެނިގެން ދަނީ ރައީސް މުއިއްޒުގެ ބަހާ އަމަލާ ދިމާ ނުވާ މަންޒަރު ކަމަށާ ނޫމަޑީ މައްސަލަގައި ރާއްޖެއަށް ބޮޑު ގެއްލުމެއް ލިބިފައިވާ ކަމަށެވެ.

ރައީސް ޔާމީން ވަނީ ނޫމަޑި މައްސަލައިގައި ރައްޔިތުންނަށް ރައީސް މުއިއްޒު ޖަވާބުދާރީ ވާން ޖެހޭ ކަމަށާ ރިއެކްޓުނުކޮށް ހުންނަވައިގެން ކަމަކު ނުދާނެ ކަމަށް ވެސް ވިދާޅުވެފައެވެ.