ވަޒީރުން މެދުވެރިކޮށް އެކި ގައުމުތަކުގެ އިސްވެރިންނަށް ރައީސް ޑރ. މުހައްމަދު މުއިއްޒު ފޮނުއްވާ ސިޓީތަކުގެ ތަފުސީލު ރައީސް އޮފީހުން ސިއްރުކޮށްފި އެވެ.
ރައީސް މުއިއްޒު ވަނީ ޗައިނާގެ ރައީސް، ބަހުރެއިންގެ ރަސްގެފާނު އަދި ސައުދީ ވަލީ އަހުދަށް ފޮނުއްވާފައިވާ އެވެ. ސިޓީތަކުގައި ވަނީ ކޮން ވާހަކަތަކެއްތޯ އަދި ސިޓީތަކުގެ ތަފުސީލަށް އެދި ރައީސް އޮފީހުގެ އިސް ތަރުޖަމާނު ހީނާ ވަލީދާ "އަދަދު" ނޫހުން އެހުމުން ޖަވާބު ދެއްވާފައި ނުވެއެވެ.
އަދި މިކަމާ ގުޅިގެން މައުލޫމާތު ސާފުކުރުމަށް "ތޭރަ އޮންލައިން" އިން ވެސް ހީނާ އަށް ގުޅުމުން ފޯނަށް ޖަވާބު ދެެއްވާފައި ނުވެއެވެ.
ރައީސް މުއިއްޒުގެފަރާތުން ފޮނުވި ފުރަތަމަ ދެ ސިޓީ އެރުވީ ޗައިނާގެ ރައީސް ޝީ ޖިންޕިން އަށެވެ.
ޖުލައި 22 ގައި އެ ސީޓީ ޗައިނާގެ ފޮރިން މިނިސްޓަރު ވަންގް ޔީ ހަވާލުކުރެއްވީ އެ ގައުމަށް ވަޑައިގެންނެވި ދިވެހި ވަޒީރުންގެ ވަފުދަކުންނެވެ.
އެ ވަފުދުގައި ހިމެނެނީ ފޮރިން މިނިސްޓަރު މޫސާ ޒަމީރާއި ފިނޭންސް މިނިސްޓަރު ޑރ. މުހައްމަދު ޝަފީގު އަދި އިންފްރާސްޓްރަކްޗާ މިނިސްޓަރު ޑރ. އަބްދުالله މުއްތަލިބުކަން ފާހަގަކޮށްލެވެއެވެ.
ޗައިނާއަށްފަހު ބަހުރެއިންގެ ރަސްގެފާނު ހަމަދު ބިން އިސާ އަލް-ހަލީފާއަށް ރައީސް މުއިއްޒު ފޮނުއްވި ސިޓީ އެ ގައުމުގެ ސަރުކާރާ ފޮރިން މިނިސްޓަރު މޫސާ ޒަމީރު ހަވާލުކުރެއްވީ އޮގަސްޓު 12، ގަ އެވެ.
