ށ. މާއުނގޫދޫގައި އެމްޑީޕީގެ މެމްބަރުން ބޮޑުދިދަ ނެގިތާ 24 ގަޑިއިރުވެސް ނުވަނީސް ދިދައަށް ގެއްލުންދީ މޫދަށް ވަނީ އެއްލާލައިފަ އެވެ.

މިކަން ކުށްވެރިކުރާ ކަމަށް އެމްޑީޕީގެ ރައީސް އަބްދުﷲ ޝާހިދު ވަނީ ވިދާޅުވެފައެވެ.

އެކްސްގައި ހިއްސާ ކުރެއްވި ޕޯސްޓެއްގައި ޝާހިދު ވިދާޅުވީ ސުލްޙަވެރި ސިޔާސީ ޙަރަކާތަށް ފަރިތަވާން ޖެހޭ ކަމަށެވެ. އިދިކޮޅު ޕާޓީއަށް ޤައުމުގެ ސިޔާސީ ވެށީގައި ޖާގަ ލިބެން ޖެހޭ ކަމަށާއި އަދި އެ ފިނޑި ޢަމަލު ހިންގި ފަރާތްތަކާއިމެދު ޤާނޫނީ ގޮތުން ފިޔަވަޅު އެޅުމަށް ސަރުކާރަށް ގޮވާލާ ކަމަށެވެ.

މިއީ އާންމުގޮތެއްގައި ރާއްޖޭގައި އެއްބަޔަކު އަނެއްބަޔަކާ ޖެއްސުމަށްކޮށް އުޅޭކަމެކެވެ.