އިމިގްރޭޝަން ޔުނީފޯމްގައި ބަޔަކު ވީޑިއޯ ކޯލްކޮށް ސްކޭމްކުރާކަން ހާމަވެއްޖެ އެވެ.
މިކަން ހާމަވެފައި ވަނީ އިމިގްރޭޝަނުން އެކްސްގައި ކުރި ޕޯސްޓެއްގެ ސަބަބުންނެވެ.
އިމިގްރޭޝަނުން ބުނީ ވަޓްސްއެޕް މެދުވެރިކޮށް ރާއްޖެއިން ބޭރު ގައުމެއްގެ ނަންބަރުން އަންނަ ވީޑިއޯ ކޯލްތަކެއްގައި އިމިގްރޭޝަން ޔުނިފޯމް އާއި ވައްތަރު ޔުނިފޯމެއް އަޅައިގެން ތިބޭ ބަޔަކު، އާންމުންނަށް ގުޅައި އެމީހުންގެ ޒާތީ މައުލޫމާތާއި، ބޭންކު ކާޑުގެ މައުލޫމާތު ހޯދަމުންދާކަން އެ އިދާރާއަށް ވަނީ ފާހަގަކުރެވިފައި ކަމަށެވެ.
އިމިގްރޭޝަނުން ބުނީ އެއީ އިމިގްރޭޝަން އޮފިސަރުންގެ އަމަލެއް ނޫންކަމުގެ ޔަގީންކަން ދޭ ކަމަށެވެ.
އަދި ސަމާލުވުމަށް ވެސް އެ އިދާރާއިން ވަނީ އިލްތިމާސްކޮށްފައެވެ.
