ރައްޔިތުންގެ މަޖިލީހުގެ ޕީއެންސީ މެމްބަރުންނަށް ރައީސް ޑރ މުހައްމަދު މުއިއްޒު ކޮންމެ މަހަކު ބައި ލައްކަ ރުފިޔާ ދެމުން ގެންދާތީ ކުރީގެ ނައިބު ރައީސް ޑރ މުހައްމަދު ޖަމީލް އަހުމަދު ވަރުގަދަ ސުވާލެެއް އަމާޒުކުރައްވައިފި އެވެ.
ޑރ ޖަމީލް ވަނީ އެކްސްގައި ޕޯސްޓެއް ކުރައްވާ ރައީސް މުއިއްޒު އެއްވެސް ކަމެއްގައި ތެދުވެރިކަމެއް ނެތީތޯ އައްސަވާފައެވެ.
ޕީއެންސީގެ މަޖިލިސް މެމްބަރުންނަށް ކޮންމެ މަހަކު ބައި ލައްކަ ރުފިޔާ ދެމުންގެންދާތީ، ބައްސަވަނީ ކޮންތަނަކުން ހޯދި މުއްސަނދިކަމަކުން ލިބުނު ފައިސާއެއްތޯ އައްސަވާ ޑރ ޖަމީލް ވަނީ ރައީސް މުއިއްޒަށް ވަރުގަދަ ސުވާލެއް އަމާޒުކުރައްވާފައެވެ.
އިގްތިޞާދީ ގޮތުން އަނދަވަޅެއްގައި އޮވެ މުޅި ޤައުމު ބަނޑަށް ޖެހެން ދާއިރު ރައީސް މުއިއްޒު ވަރަށް ތިޔާގިކަމަށް ޑރ ޖަމީލް ވަނީ ޕޯސްޓްގައި ވިދާޅުވެފައެވެ.
ލަދެއް ނެތި ރިޝްވަތު ބެހުން، ޤައުމިއްޔަތުގެ ފިލާވަޅެއްގެ ގޮތުގައި މުޅި ރާއްޖެއަށް ދަސްކޮށްދޭންވާނެ ކަމަށް ވިދާޅުވެ ޑރ ޖަމީލް ވަނީ ރައީސް މުއިއްޒުގެ އެ އަމަލަށް ވަރަށް ބޮޑަށް ފާޑުވިދާޅުވެފައެވެ.
