ރައީސް ޑރ. މުހައްމަދު މުއިއްޒުގެ ސަރުކާރުން ސިޔާސީ މަގާމުތަކަށް އައްޔަން ކުރާ މީހުންނަށް ވަޒީފާ އަދާކުރެވޭނެ މާހައުލެއް ނެތި ގޭގައި ތިބޭކަން ހާމަވެއްޖެއެވެ.

ޗެނަލް13 އަށް މައުލޫމާތު ލިބިފައިވާ ގޮތުގައި އެއް ވާނެއްގައި ރައީސް މުއިއްޒުގެ ސަރުކާރުން ސިޔާސީ މަގާމުތަކަށް ބޭބޭފުޅުން އައްޔަން ކުރަމުްނ ދާއިރު އެ ބޭފުޅުން އައްޔަން ކުރާ އިދާރާތަކުގައި ވަޒީފާ އަދާކުރާނެ މާހައުލެއް ގާއިމުނުވެ އެތައް ދުވަހަކު ގޭގައި ތިބެން ޖެހިފައިވާ ކަމަށެވެ.

އެގޮތުން ދާދި ފަހުން އެޑިއުކޭޝަން މިނިސްޓްރީގެ ޑެޕިއުޓީއަކަށް އައްޔަން ކުރެވުނު އަންހެން ބޭފުޅަކަށް ވެސް މިނިސްޓްރީގައި އިށީދެ ވަޑައިގަންނަވާނެ މޭޒުކޮޅެއް ހަމަ ނުޖެހިގެން އަދިވެސް ހުންނެވީ ގޭގައި ކަން ޗެނަލް13އަށް ވަނީ ހާމަވެފައެވެ. މީގެ އިތުރުން ޓުއަރިޒަމް މިނިސްޓްރީ އަދި ޖެންޑަރ މިނިސްޓްރީގެ އިތުރުން ޔޫތު މިނިސްޓްރީގެ ވެސް ހާލަތު ހުރީ މި ފަދަ ގޮތަކަށް ކަަމަށަ އަދިވެސް ސަރުކާރުގެ ގިނަ ވުޒާރާތަކެއްގައި ބޭބޭފުޅުންނަށް ވަޒީފާ އަދާކުރުމަށް މާހައުލު ގާއިމުކޮށްދެވައި ސަރުކާރަށް ނުވާކަން ވަނީ ހާމަވެފައެވެ.

މިކަމާ ގުޅިގެން ޗެނަލް13އަށް މައުލޫމާތު ހިއްސާކުރަމުން ނަން ހާމަނުކުރުމަށް އެދި ބައެއް ޑެޕިއުޓީ މިނިސްޓްރީއިން ހާމަކުރާ ގޮތުގައި އެ ބޭފުޅުންނަކީ ސަރުކާރުގެ ތެރޭގައި ތިބޭ ރެފިއުޖީއިންނެކޭ އެއް ފަދައެވެ.

މިކަމާ ގުޅިގެން ސަރުކާރުގެ ބަހެއް ހޯދާލަން ކުރި މަސައްކަތުން އެއްވެސް އިދާރާއެއްގެ ފަރާތުން މައުލޫމާތުވަނީ ނުލިބިފައެވެ.

ރައީސް މުއިއްޒު ގެންދަވަނީ ނަމަވެސް އެއްވެސް މަޑު ޖެއްސެވުމެއް ނެތި ސިޔާސީ މަގާމުތަކަށް ބޮޑޫ މުސާރައާ އެކު ބޭފުޅުން އައްޔަން ކުރަމުންނެވެ. ނިމި ދިޔަ ސަރުކާރަށް އެންމެ ބޮޑަށް ފާޑު ވިދާޅުވަމުން މި ސަރުކާރުގެ އެޑްވައިޒަރ އަދުރޭ މެން ފަދަ ބޭފުޅުން ވަނީ މުސާރަ ނަގައިގެން އެކްޓިވިސްޓުންގެ ގޮތުގައި އޭރު ބޭފުޅުން ގޭގައި ތިއްބަވާ ވާހަކަ އަޑު ހަރުކޮށް ދައްކަވާފައެވެ.