ރައީސް ޑރ. މުހައްމަދު މުއިއްޒު މަރާލާނެކަމުގެ އިންޒާރު ދިނީ މަޖިލިސް އިންތިހާބުގައި އެމަނިކުފާނު ތާއީދު ކުރެއްވި ކެންޑިޑޭޓެއްގެ ކޮއްކޮއެއް ކަމަށް މައުލޫމާތު ލިބިއްޖެއެވެ.
ރައީސް މުއިއްޒު އދގެ ސަލާމަތީ މަޖިލީހުގައި ތަގްރީރުކުރައްވަމުން ދަނިކޮށް ފޭސްބުކް މެދުވެރިކޮށް، އެމަނިކުފާނު މަރާލާނެ ކަމުގެ އިންޒާރު ދީފައިވަނީ "Ablor Myad Yosef" ގެ ނަމުގައި ހަދާފައި އިން އައިޑީއަކުންނެވެ.
ގިނަ ފަހަރު މިކަހަލަ އިންޒާރުތައް ދެނީ ފޭކް އައިޑީތަކުން ކަމަށް ވެފައި މިއީ ސައްޚަ އައިޑީއެއް ތޯ މައުލޫމާތު ސާފުކުރުމުން އެނގިގެން ގޮސްފައިވަނީ މިއީ ސައްޚަ އައިޑީއެއް ކަމަށާ މި އައިޑީ ނިސްބަތް ވަނީ ނިމި ދިޔަ މަޖިލިސް އިންތިހާބުގައި ގަލޮޅު އުތުރަށް ވާދަ ކުރި އައިމިނަތު މިޔާދާ (އާނާ) ގެ ކޮއްކޮ މިޔާދު އަށެވެ.
ރައީސް މުއިއްޒު އާނާ އަށް ތާއީދު ކުރެއްވީ ވެސް މަޖިލީހުގައި އެ ދާއިރާއަށް ޕީއެންސީ ޓިކެޓުގައި ކެންޑިޑޭތަކު ވާދަކުރަން ނުކުމެ ހުއްޓާއެވެ.
ރައީސް މުއިއްޒު މަރާލަން އިންޒާރު ދިނުން ސަރުކާރުގެ މަގާމުތަކުގައި ތިބި ބޭފުޅުން ކުށްވެރި ކުރަމުން ދާއިރު އެމަނިކުފާނަށް އިންޒާރު ދިފައި އޮތީ އެމަނިކުފާނު ގާތްކޮށް ގެންގުޅުއްވި ބޭފުޅެއްގެ ކޮއްކޮއެއްކަން މި ވަނީ ހާމަވެފައެވެ.
