އުންމީދަކުން މަސްވެރިންނަށް ކުރާނެ އެއްވެސް މަންފާއެއް ނެތްކަމަށް ބޮޑު ކަންނެލި މަސްވެރިންގެ ޔޫނިއަން އިން ހާމަކޮށްފިއެވެ.
އެ ޔޫނިއަން އިން މިފަދައިން ހާމަކޮށްފައިވަނީ ރައީސް މުހައްމަދު މުއިއްޒު ނިއުޔޯކަށް ކުރެއްވި ދަތުރުފުޅުގެ ތެރެއިން އިގްތިސޯދާ މަސްވެރިކަމުގެ ސިނާއަތަށް އުއްމީދުތަކެއް ލިބިއްޖެ ކަމަށް މަސްވެރިކަމާ ބެހޭ ވަޒީރު އަހުމަދު ޝިޔާމް ވިދާޅުވުމުން އެކަމަށް ރައްދުދީ ފޭސްބުކްގައި ކުރި ޕޯސްޓެއްގައެވެ.
އެ ޕޯސްޓުގައި ބޮޑު ކަންނެލި ޔޫނިއަނުން ބުނެފައިވަނީ މަސްވެރިކަމުގެ ސިނާއަތް ފުނޑިގެން ދާއިރު މަތީ ފަޑިން ފެންނަނީ އެއްވެސް ޒިންމާދާރު ކަމެއްނެތި ފެއިލް ވެފައިވާ މަންޒަރުކަމަށެވެ.
މީގެ އިތުރުން އެ ޔޫނިއަނުން ވަނީ ސަރުކާރުގެ މެނިފެސްޓޯ ތަންފީޒް ކޮށްދިނުމަށް ސަރުކާރަށް ގޮވާލާފައިވެއެވެ.
މަސްވެރިން މިފަދައިން ގޮވާލާފައިވާއިރު މި ސަރުކާރަކީ 48 ގަޑިއިރުގެ ތެރޭގައި މަސްވެރިންނަށް ފައިސާ ދީ ޚަލާސްކުރާނެކަމުގެ ވައުދާ އެކު ސަރުކާރެއް ނަމަވެސް މި ސަރުކާރުން ކޮންމެ ފަހަރަކުވެސް މަސްވެރިންނަށް ފައިސާ ދެނީ މަސްވެރިން ރުޅި ގަދަވެ އިހުތިޖާޛުކުރަން ފެށުމުން ކަން ފާހަގަކޮށްލެވެއެވެ.
