ފިޝަރީޒްއާ އެގްރިކަލްޗަރ އެއްކޮށްލާ، މިނިސްޓަރ އޮފް ފިޝަރީޒް، އެގްރިކަލްޗާ އެންޑް އޯޝަން ރިސޯސަސް ކަމަށް އަހުމަދު ޝިޔާމު މމިއަދު އައްޔަންކުރައްވައިފިއެވެ.
ލޯކަލް ކައުންސިލް އިންތިހާބުގައި ސަރުކާރު ހިންގާ ޕީއެންސީއަށް ލިބުނު ބޮޑު ނާކާމިޔާބީއާ ގުޅިގެން ސަރުކާރު ހިންގުމަށް ރައީސް މުހައްމަދު މުއިއްޒު ގެންނަވަމުންދާ ބޮޑެތި ބަދަލުތަކުގެ ތެރެއިން 20 ވުޒާރާގެ އަދަދު 15 އަށް މަދުކޮށް އައު ހަތަރު ވަޒީރަކާ އެކު ރޭ ވަނީ ކެބިނެޓު އަލުން އެކުލަވާލާފައެވެ. ނަމަވެސް ރޭ ކެބިނެޓު ހުވާ ކުރި ރަސްމިއްޔާތުގައި ޝިޔާމް ހިމެނިވަޑައިނުގެންނެވީ އޭނާ ރާއްޖެއިން ބޭރުގައި ހުރުމުން ކަމަށްވެފައި މިއަދު އެނބުރި ރާއްޖެ ވަޑައިގެން ޝިޔާމް ވަނީ ވަޒީރުކަމުގެ ހުވާ އަލުން ކުރައްވާފައެވެ.
މިއާއެކު މިހާރު ކެބިނެޓުގައި މަދުވަނީ ޑިފެންސް މިނިސްޓަރު އެކަންޏެވެ.
