ކުކުޅު ފިހާރައިން ވިއްކާ ބޯވަދިލަ މަހުގެ އަގު ބޮޑު ތަނުން ހެޔޮކޮށްފިއެވެ.

އެ ފިހާރާއިން މައުލޫމާތު ދީފައިވާ ގޮތުގައި، އެ ފިހާރައިން ކުރިން 1،720ރ. އަށް ވިއްކަމުން ދިޔަ ބޯވަދިލަ މަހުގެ އެއް ކިލޯގެ 10 ޕެކެޓް ހިމެނޭ ކޭހަކުން 150ރ. އަގު ހެޔޮ ކުރުމަށް ނިންމާފައިވާ ކަމަށެވެ. އެއާއެކު 1،570ރ. އަށް ބޯވަދިލަ މަސް ކޭހެއް ލިބިގެން ދާނެ ކަމަށް ވެސް ހާމަކޮށްފައިވެއެވެ. އެހެންކަމުން ބޯވަދިލަ މަސް ކޭހަކުން 150.ރ ވަނީ އަގު ހެޔޮވެފައެވެ.

ކުކުޅު ފިހާރައިން ވިއްކާ ތަކެތި ކަސްޓަމަރުންނަށް ވީހާވެސް ހެޔޮ އަގެއްގައި ވިއްކުމަށް އެ ފިހާރައިން މަސައްކަތް ކުރަމުންދެއެވެ. އެގޮތުން އެ ފިހާރައިގެ އަމާޒަކީ އަބަދުވެސް ކަސްޓަމަރުންނަށް ރަހަ މީރު، ޖީބަށް ލުއި، ތާޒާ، ތަފާތު އުފެއްދުންތައް ފޯރުކޮށް ދިނުން ކަމަށް ފިހާރައިގެ މެނޭޖުމަންޓުގެ ފަރާތުން ހާމަކޮށްފައިވެއެވެ.

ގަނޑުކުރި ކުކުޅާ ކޮށި ކުކުޅު، ކުކުޅުފައި، ބޯންލެސް ޗިކަން، މަޓަން، ލޭމްބް، ބީފް، ސީ ފުޑް، ސޮސެޖް، ޓާކީ، އަސްދޫނި މަހާއި ގަނޑުކޮށްފައި ހުންނަ ތަރުކާރީ އާއި ބަޓަރާއި ޗީޒްގެ އެކި ބާވަތްތައް ވެސް ހެޔޮ އަގުގައި ކުކުޅު ފިހާރައިން ލިބެން ހުންނާނެއެވެ.

މީގެ އިތުރުން ރަށްރަށުގެ ވިޔަފާރިވެރިން ގަނޑުކޮށް މުދާ ގަންނަ ނަމަ އެ ވިޔަފާރިވެރިޔަކު ބުނާ ބޯޓަކަށް މުދާ ޑެލިވަރީ ކޮށްދިނުމުގެ ހިދުމަތް ވެސް ކުކުޅު ފިހާރައިން ފޯރުކޮށްދެއެވެ.