ސަރުކާރުގެ މައި ހޮސްޕިޓަލް "ދަރުމަވަންތަ ހޮސްޕިޓަލު" ގައި ގާއިމްކޮށްފައިވާ "ހައިބްރިޑް ކެތް-ލެބް" އަކީ ރައީސް އަބްދުﷲ ޔާމީން އަބްދުލްގައްޔޫމްގެ ޒައާމަތުގައި ގާއިމްކޮށްފައިވާ ތަނެއްކަން ހާމަވެެއްޖެއެެވެ.

މިކަން ޑރ ޖިހާދް ހަސަން ވަނީ ތޭރައޮންލައިން އަށް ކަށަވަރުކޮށްދެއްވާފައެވެ. އެގޮތުން ހައިބްރިޑް އޮޕެރޭޓިންގ ތިއޭޓާރ އެއްކަމަށް ބުނެ އިންދްރާ ގާންދީ މެމޯރިއަލް ހޮސްޕިޓަލުން އިއްޔެ ޕޯސްޓެެއްކޮށްފައި ވީނަމަވެސް އެއީ ހައިބްރިޑް ކެތް-ލެބެއްކަމަށް ޑރ ޖިހާދު ވަނީ ވިދާޅުވެފައެވެ.

ހައިބްްރިޑް ކެތް-ލެބް ދަރުމަވަންތަ ހޮސްޕިޓަލްގެ ޑީއެޗް-11 ގައި ގާއިމްކޮށްފައި ވަނީ 2017 ވަނައަހަރުގައެވެ. އެޔަށްފަހު އައި އެމްޑީޕީ ސަރުކާރުގައި އެތަން ބޭނުންކޮށްފައިނުވާކަމަށް ވެސް ޑރ ޖިހާދުވަނީ މައުލޫމާތުދީފައެވެ.

އައިޖީއެމްއެޗް އިން އެކްސްގައި ކުރި ޕޯސްޓްގައި ވާގޮތުން ހައިބްރިޑް ކެތް-ލެބް ތައާރަފްކޮށްފައި ވަނީ މި ސަރުކާރުގައެވެ. ނަމަވެސް އެއީ ކަނޑައެޅިގެން ދޮގެކެވެ. މި ސަރުކާރުން މި ވަނީ ރައީސް ޔާމީންގެ ޒައާމަތުގައި އެމަނިކުފާނު ފައްޓަވާފައިވާ ކަމެއްގެ ކްރެޑިޓް ނަންގަވާފައެވެ.

ރައީސް ޔާމީން ޞިއްޙީ ނިޒާމަށް ގެނެސްދެއްވި އިންގިލާބީ ބަދަލާއެކު ބޮޑެތި ބަލިތަކަށް ބޭސްކުރަމުން ދިޔަ ބަލި މީހުންގެ އުއްމީދުތައް އާވެގެންދިޔައެވެ. ރައީސް ޔާމީން ސިއްހީ ނިޒާމަށް ގެނެސްދެއްވި ބަދަލުތަކަކީ ދިވެއްސެއްގެ ވިސްނުމަށް މީން ޒަމާނަކު ނުވެސް އަންނަ ފަދަ، ސަރަހައްދީ ގޮތުން ވެސް ފާހަގަކޮށްލެވޭ ބަދަލުތަކެވެ.

ރައީސް ޔާމީން ސިއްހީ ދާއިރާތަކަށް ގެނެސްދެއްވި ތަރައްޤީގެ ތެރެއިން އެއްވެސް ރައްޔިތެއްގެ ހަނދާނުން ފޮހެ ނުލުވޭނެ ކަމަކީ މާލޭގެ ހުޅަނގު ފަރާތުގައި ހުރި ފަންސަވީސް ބުރީގެ ބިޔަ ބޮޑު ދަރުމަވަންތަ ހޮސްޕިޓަލުކަން ފާހަގަކޮށްލެވެއެވެ.