އިސްރާއީލުން ޝަހީދު ކޮށްލި މީހުންގެ އަދަދު 27،000 އާއި ގާތް ކޮށްފިއެވެ.

އިސްރާއީލުގެ ހެލްތް މިނިސްޓްރީން އާންމު ކޮށްފައިވާ އެންމެ ފަހުގެ މައުލޫމާތުތަކުން ދައްކާ ގޮތުގައި މިދިޔަ އޮކްޓޯބަރު މަހުގެ 7 ވަނަ ދުވަހުން ފެށިގެން މިހާތަނަށް އިސްރާއީލުން ޝަހީދު ކޮށްލި މީހުންގެ އަދަދު ވަނީ 26،900 އަށް އަރާފައެވެ. އަދި ޒަހަމްވި މީހުންގެ އަދަދު ވަނީ 65،949 އަށް އަރާފައެވެ.

މިނިސްޓްރީގެ ތަފާސް ހިސާބުތަކުން ދައްކާ ގޮތުގައި އިސްރާއީލުން ވަނީ ފާއިތުވި 24 ގަޑިއިރު ވެސް ފަލަސްތީނުގެ 150 މީހަކު ޝަހީދު ކޮށްލައި، 313 މީހަކަށް އެކިވަރުގެ ޒަހަމްތައް ދީފައެވެ.

މި ހަމަލާތަކުގެ ސަބަބުން ޣައްޒާގެ އާބާދީގެ ބޮޑު ބައެއ ހާލުގައި ވަނީ ޖެހިފައެވެ.

ހާލުގައި ޖެހިފައިވާ ގިނަ މީހުންނަކީ އެމީހުން ދިރިއުޅޭ އިމާރާތްތައް ނިރުބަވެރިން ސުންނާފަތި ކޮށްލުމުގެ ސަބަބުން ވަންނާނެ ގެދޮރު ގެއްލިފައިވާ މީހުންނެވެ.

ދެން ތިބި މީހުންނަކީ އިސްރާއީލުން ގަދަކަމުން އެމީހުން ދިރިއުޅެމުން ދިޔަ ގެތަކުން ބޭރު ކޮށްފައިވާ މީހުންނެވެ.

ފަލަސްތީނުގައި ހާލުގައި ޖެހިފައިވާ ގިނަ މީހުން މިވަގުތު ދިރިއުޅެމުން އަންނަނީ، ސްކޫލްތަކާއި ހޮސްޕިޓަލްތަކުގެ އިތުރުން ރެފިއުޖީ ކޭމްޕްތަކުގައެވެ.