ރައީސް އަބްދުﷲ ޔާމީނާ ނުލާ ހޭދަ ކުރާ ކޮންމެ ދުވަހެއްގައި ސަރުކާރުގެ އޮނޑި ދާނީ ފެތެމުން ކަމަށް ރައީސް ޔާމީންގެ އިސް ގާނޫނީ ވަކީލް ޑރ މުހައްމަދު ޖަމީލް އަހުމަދު ވިދާޅުވެއްޖެއެވެ.
ޑރ ޖަމީލް މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
ޑރ ޖަމީލް ވިދާޅުވީ ރައީސް ޔާމީނާ ނުލާ ހޭދަކުރާ ކޮންމެ ވަގުތެއްގައި ސަރުކާރުގެ އޮނޑި ދާނީ ފެތެމުން ކަމަށާއި ޑރ މުއިއްޒުގެ ވައުދުތަކުގައި މިހާރު އިތުބާރު ނެތް ކަމަށެވެ.
މީގެ އިތުރުން ޑރ ޖަމީލް ވިދާޅުވީ މިހާރު ފެނިގެން މިދަނީ ރައީސް ޑރ މުއިއްޒުގެ ކެބިނެޓުގެ ހަގީގަތް ކަމަށެވެ. އަދި ހަމައެހެންމެ މުޅިދުވަހަށް ކެބިނެޓް ދިގުދެއްމިޔަސް ގައުމެއް ހިންގުމުގެ ހުނަރަކީ މުޅިން ތަފާތުކަމެއް ކަމަށް ވެސް ޑރ ޖަމީލް ވަނީ ވިދާޅުވެފައެވެ.
