ޕީއެންސީ ޕީޖީ ގުރޫޕްގެ ލީޑަރ އަދި އިނގުރައިދޫ ދާއިރާގެ މެމްބަރު އިބުރާހިމް ފަލާހަށް "ޓޮބާކޯ" ކިޔަން ނޭނގުމުން ކުރީގެ ނައިބު ރައީސް، ޑރ މުހައްމަދު ޖަމީލް އަހުމަދު ފާޑު ވިދާޅުވެއްޖެ އެވެ.
ޑރ ޖަމީލް މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.
އެގޮތުން އޭނާ ވިދާޅުވީ މައްސަލައަކީ ފަލާހާ މިމަސައްކަތް ޙަވާލުކުރި މީހާގެ ބުއްދިހުރިގޮތްކަމަށެވެ.
މިއީ ހަރުގެތެރޭ އުޅުނު ނުކިޔަވާ ވަކަރުގޭ ކުދިންކަމަށާ ފަލާހު މޮޅީ އެހެން ކަހަލަ ކަންކަން ކުރަންކަމަށެވެ. މިސާލެއްގެ ގޮތުގައި ޑރ ޖަމީލް ވިދާޅުވީ ފަލާހް މޮޅީ ލަކުނޑިފެޅުން ފަދަ މަސައްކަތް ކުރުމަށްކަމަށެވެ.
ތައުލީމެއް ނެތް ނާގާބިލް މީހުން ގެންނަ ޓެކްސް ނިޒާމު އޮންނާނެ ގޮތް ތަޞައްވުރުކޮށްލެވުމަށް ވެސް ޑރ ޖަމީލް ވަނީ ވިދާޅުވެފަ އެވެ.
