ޕީޕަލްސް ނެޝަނަލް ފްރޮންޓް (ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލުއަށް އަނިޔާ ދޭނެކަމަށް މަޖިލީހުގެ ނައިބު ރައީސް އަހުމަދު ނާޒިމު ދީފިއެވެ.

މިކަން ހާމަވެފައިވަނީ މަލީހު އެކްސްގައި ކުރެއްވި ޕޯސްޓެއްގައެވެ.

މަލީހު ވިދާޅުވެފައިވަނީ، ރައްޔިތުން މަޖިލިހުގެ ނައިބު ރައީސް ނާޒިމް އޭނާއަށް އަނިޔާ ދޭނެކަމުގެ އިންޒާރު ދިނުމަކީ އިންތިއަށް ކަންބޮޑުވާ ކަމެއް ކަމަށެވެ.

މީގެ އިތުރުން އެ ދަށު ދަރަޖައިގެ ޢަމަލު އެންމެ ހަރުކަށި އިބާރާތުން ކުށްވެރިކުރައްވާ މަލީހު ވަނީ އޭނާއަކީ އެހެން ދައްކާ ބިރަށް ފަހަތަށް ޖެހޭނެ މީހެއް ނޫންކަން ނާޒިމަށް އެނގެން ވާނެ ކަމަށް ވެސް ވިދާޅުވެފައެވެ.

މަލީހު މިފަދައިން ވިދާޅުވެފައިވާއިރު މަލީހު އަނިޔާދޭނެކަމަށް ނާޒިމް އިންޒާރުދިނީ ކީއްވެގެން ކަމެއް މަލީހު ވިދާޅުވެފައިނުވެއެވެ.

މިކަމާ ގުޅިގެން ނާޒިމްގެ ބަހެއް ހޯދާލުމަށް މެސެުޖު ކުރުމުން ވަކި ޖަވާބެއް ދެއްވާފައިނުވެއެވެ.