20 ވަނަ ރައްޔިތުން މަޖިލިސް އިންތިހާބުގައި ރައީސް އަބްދުﷲ ޔާމީން އަބްދުލް ގައްޔޫމް އަލަށް އުފައްދަވާ ޕާޓީ ޕީޕަލްސް ނެޝެނަލް ފްރޮންޓް (ޕީއެމްއެފް) ގެ ފަރާތުން ވާދަ ކުރެއްްވުމަށް ޝައުގުވެރިކަން ފާޅުކޮށްފައިވާ ކެނޑިޑޭޓުން ތައާރަފް ކުރުމަށް ހޮނިހިރު ދުވަހުގެ ރޭ ހާއްސަ ޖަލްސާއެއް ބާއްވަން ނިންމައިފިއެވެ.

ހޮނިހިރު ދުވަހުގެ ރޭ 20:45 ގައި ބޭއްވުމަށް ހަމަ ޖެހިފައިވާ މި ޖަލްސާގައި ތައާރަފް ކުރުމަށް ހަމަ ޖެހިފައިވަނީ، މަޖިލިސް އިންތިހާބުގައި ހުޅުމާލެ ދެކުނު ދާއިރާއަށް ކުރިމަތިލައްވާ އަބްދުއް ސަމަދު، ތޮއްޑޫ ދާއިރާއަށް ކުރިމަތިލައްވާ ކެންޑިޑޭޓް އާދަމް މޫސާ ގެ އިތުރުން މަރަދޫ ދާއިރާއަށް ކުރިމަތިލައްވާ މުހައްމަދު ހަމްދޫން އެވެ.

ރައްޔިތުން މަޖިލީހުގެ އިންތިހާބުގައި ވާދަކުރައްވާ ކެންޑިޑޭޓޫންގެ ތައާރަފެއް ދިނުމަށް ބާއްވާ މި ޖަލްސާ އޮންނާނީ ޕީއެންއެފް ފްރަންޓް އޮފީހުގައެވެ.

މި ޖަލްސާ ބެލުންތެރިންނާއި ހަމައަށް ގެނެސްދިނުމަށްޓަކައި ޗެނަލް 13 އިން ލައިވްކޮށް ގެނެސްދޭނެއެވެ.