ޔާހޫދީ އިސްރާއިލުން ޣައްޒާގެ ކުޑަކުދިންގެ ބަގީޗާތަކަށް ހަމަލާދޭން ފަށާއިފިއެވެ.

ފަލަސްތީނުގެ ނޫސް އެޖެންސީ ވަފާ އިން ރިޕޯޓްކޮށްފައިވާ ގޮތުގައި ޣައްޒާގެ ދެކުނުގެ ރަފާހުގައި އިސްރާއީލުން ކުޑަކުދިންގެ ބަގީޗާއަށް ދިން ހަމަލާގައި މަދުވެގެން ދެކުދިން ވަނީ ޝަހީދުވެފަ އެވެ.

މީގެއިތުރުން ހޫތީގެ އޮފިޝަލް މުހައްމަދު އަލް ބުޚައިތީ ވިދާޅުވީ އިސްރާއީލުން ޣައްޒާއަށް ދެމުންދާ ހަމަލާތައް ނިމެންދެން ރަތް ކަނޑުގެ ހަމަލާތައް ދެމިއޮންނާނެ ކަމަށެވެ.

ރަފާގެ އިރުމަތީ ސަރަހައްދުގައި ވައިގެ ހަމަލާތަކުގައި މަރުވި މީހުންގެ އަދަދު ވަނީ 24 އަށް އަރައިފަ އެވެ.

މީގެ އިތުރުން ރިޕޯތުތަކުން ބުނާ ގޮތުގައި ޔޫރަޕިއަން ހޮސްޕިޓަލުގެ ވަށައިގެންވާ ސަރަހައްދުތައް ހިމެނޭހެން ޚާން ޔޫނިސްގައި ވެސް ވައިގެ ހަމަލާތަކާއި ބޮން ގޮއްވާފައިވެއެވެ.

އޮކްޓޯބަރު މަހުގެ 7 ވަނަ ދުވަހުން ފެށިގެން އިސްރާއީލުން ޣައްޒާއަށް ދެމުންދާ އަނިޔާވެރި ހަމަލާތަކުގައި ޝަހީދުވި މީހުންގެ އަދަދު ވަނީ 27،238ކަށް އަރާފައެވެ. އަދި އެކިވަރުގެ އަނިޔާތައް ލިބި ޒަހަމްވި މީހުންގެ އަދަދު ވަނީ 66،452 އަށް އަރާފައެވެ.