ގައުމުގައި ސުލްހަ މަސަލަސްކަން ގާއިމުކޮށް ހަމަޖެހުން ގެނައުމަކީ ދިވެހި ސަލާމަތީ ބާރުތަކުގެ ޒިންމާއެއް އޮތުން ނިމުމަކަށް އައީތޯ ގިނަ ބަޔަކު ސުވާލު އުފައްދަން ފަށައިފިއެވެ.

މިފަދަ ސުވާލެއް އަމާޒުކޮށްފައިވަނީ އެޗްޑީސީގެ ސިޔާސީ އިސް މަގާމެއްގައި ހުރި މަލްޝާ ޝަރީފު އެކްސްގައި އާންމު ރައްޔިތަކަށް ދިން ރައްދަކާ ގުޅިގެންނެވެ.

އެގޮތުން މަލްޝާ އެމްޑީޕީއަށް ނިސްބަތްކޮށް، "އޮންނާނީ ވެރިކަމުން ބާލާފައި ސައިޒްކޮށްފައި" މިހެން ބުނެ ވީޑިއޯއެއް ޝެއަރކުރުމުން އެ ޕޯސްޓަށް ރިޕްލައިކޮށް އަލީ އިއްޒަޔު ކިޔާ މީހަކު ވަނީ ވެރިކަމުގައި ތިބެ ޕިއެންސީއިން މުޒާހަރާކުރާތީ ފާޑުކިޔާފައެވެ. އޭނާ ބުނެފައިވަނީ "ވެރިކަމުގައި ތިބެގެން ވެސް މުޒާހަރާ ކުރަން ޖެހިފައި ތިއޮތީ" މިހެންނެވެ.

އެއާއެކު މަލްޝާ ވަނީ "އަހަރުމެން ނުކުތީ މުޒާހަރާ ރޫޅާލަން އެކަން ކޮށްފައި އޮންނާނީ" މިހެން ބުނެ އިއްޒަތަށް ރައްދުދީފައެވެ.

މަލްޝާގެ މި ރައްދާ އެކު މިހާރު މުޒާހަރާ ރޫޅާލަން ޒިންމާ މަތިކޮށްފައި އޮންނަނީ ޕީއެންސީއާ ތޯ ގިނަ ބަޔަކު އެކްސްގައި އޭނާ ޓެގްކޮށް ސުވާލުކޮށްފައިވެއެވެ. އަދި އިއްޔެ މުޒާހަރާ ކުރިއަށް ދިޔަ ވަގުތު ޕީއެންސީ އިން ވެސް ނުކުތީ ސީދާ ހަރަކާތަށްކަން ވަރަށް ސާފުކޮށް މަންޒަރުތަކުން ފެނިގެން ގޮސްފައިވެއެވެ. އަދި ސުލްހަވެރިކޮށް ކުރިއަށް ދިޔަ އެ އިހުތިޖާޖުގެ މަސްރަހު ހޫނުކޮށް ގޯސްކުރީ ވެސް ޕިއެންސީއަށް ނިސްބަތްވާ ސަރުކާރުގެ އިސް މަގާމުތަކުގައި ތިބި މީހުން ނުކުމެއެވެ.

ނަމަވެސް ޕިއެންސީގެ ހުޅުމާލޭ އުތުރު ދާއިރާގެ ނައިބު ރައީސް މަލްޝާ މިވަނީ މިޙާރު މުޒާހަރާ ރުޅާލަނީ ޕީއެންސީއިން ކަމަށް ބުނެފައެވެ.

މަލްޝާއަކީ މީގެ ކުރިންވެސް ރައީސް މުއިއްޒު ޕްރޮމޯޓުކުރަން ޓިކްޓޮކު އިންފްލުއެސަރުންނަށް ވެސް ފައިސާ ޚަރަދުކޮށްފައިކަމަށް އަޑުތައް ފެތުރިފައިވާ މީހެކެވެ.