އެމްޑީޕީގެ ސޯޝަލް މީޑިޔާ އެކްޓިވިސް ހުސެއިން ޝާފިއު (ތުއްތު) ފުލުސް އޮފީހަށް ހާޒިރުކޮށްފިއެވެ.

ހުސެއިން ޝާފިއު (ތުއްތު) ފުލުސް އޮފީހަށް ހާޒިރުކޮށްފައިވަނީ އެކްސްގައި ކުރި ޕޯސްޓެއްގައި ލިޔެފައިވާ އިބާރާތަކާ ގުޅިގެން ސަރުކާރުން ކުރާ ތުހުމަތަކަށެވެ.

އެގޮތުން އެ މައްސަލައިގައި އޭނާގެ ބަޔާންނެގުމަށް މިއަދުގެ 13:30 ގައި ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންއަށް ހާޒިރުވުމަށް އޭނާއަށް ފޮނުވާފައިވާ ޗިޓުގައި ވަނީ ބުނެފައެވެ. އެ އަމުރަށް ކިޔަމަން ގަނެ ޝޝާފިއު (ތުއްތު) ވަނީ ފުލުހަށް ހާޒިރުވެފައެވެ. ފުލުހަށް ހާޒިރުވުމަށް ދިޔައީވެސް ޚިޔާލުފާޅޫކުރުމުގެ މިނިވަންކަމުން ލިބޭ ހައްގުގެ ބޭނުންކޮށް ލިޔުމުން ފާޅުކޮށްފައިވާ ޝުއޫރުތަކާއެކު އެމްޑީޕީގެ އިތުރު ސަޕޯޓަރުންނާ ވެސް އެކުއެވެ.

އޭގެ ތެރޭގައި އެމްޑީޕީގެ ޗެއަރ ޕާސަން ފައްޔާޒު އިސްމާއިލްވެސް ހިމެނެއެވެ. އަދި އެތަނަށް އެއްވި މީހުންގެ އަތުގައި ހުރި ގަނޑުތަކުގައި ހުރި ބައެއް ޝުއޫރުތަކުގައި، "ގާނޫނު އަސާސީގެ ދިފާއުގައި"، :ހަޖަމް ނުވި ޓްވީޓު"، "ފައިންޑް ކައްޒާބު"، "ޚިޔާލުފާޅުކުރުމުގެ މިނިވަންކަން ކޮބާ"، "ބަސްބުނުމުގެ ޙައްގު ނިގުޅައިގެންފި"، "ޔޫ ކާންޓް ސައިލެންސް މީ" ފަދަ ޝުއޫރުތައް ހިމެނެއެވެ.

ޝާފިއު އަކީ އެމްޑީޕީގެ ސޯޝަލް މީޑިއާގައި ވަރަށް ހަރަކާތްތެރި އެކްޓިވިސްޓެކެވެ.

ޝާފިއުގެ އިތުރުން ރައީސް ޑރ. މުހައްމަދު މުއިއްޒު އާއި ސަރުކާރުގެ އިސްވެރިންގެ "އަބުރުފުޅަށް" އެރި ކަމަށް ބުނެ ކައުންސިލަރުންނަށް ވެސް ފިޔަވަޅު އަޅަން ފަށާފައިވާ ކަމަށް ފައްޔާޒް ވިދާޅުވި އެވެ. އޭނާ ފާހަގަކުރެއްވީ ރައީސްގެ އަބުރަށް އަރައިގަތް ކަމަށް ބުނެ ގދ. ގައްދޫ ކައުންސިލްގެ ރައީސްގެ މައްސަލަ ބެލުމަށް އެލްޖީއޭ އިން އެންގި މައްސަލަ އަށެވެ.

މީގެ އިތުރުން، ރައީސް މުއިއްޒު އޯގަސްޓު، 2024، ސިންގަޕޫރުގެ ޝޮޕިން މޯލެއްގައި އުޅުއްވަނިކޮށް ފޮޓޯއެއް ނެގި މައްސަލަ ވެސް ފުލުހުން އަންނަނީ ތަހުގީގު ކުރަމުން ނެވެ.

ހިޔާލުފާޅުކުރުމާއި އެއްވެ އުޅުމުގެ މިނިވަން ކަމަށް ރައީސް މުއިއްޒު ސަރުކާރުން އަންނަނީ ވަރަށް ބޮޑަށް ހުރަސް އަޅަމުން ނެވެ.