ސަރުކާރު ތެޔޮކުންފުނި ފިއުލް ސަޕްލައިސް މޯލްޑިވްސް (އެފްއެސްއެމް)ގެ މުވައްޒަފުންތަކެއް އެ ކުންފުނީގެ ތެލުން ވައްކަންކޮށް، އޭގެއިން ލިބޭ ފައިސާ ލޯންޑާ ކުރަމުންދާ ކަމަށް ބުނާ މައްސަލައެއް ފެންމަތިކޮށްފި އެވެ.

ހޯމްލޭންޑް ސެކިއުރިޓީ މިނިސްޓަރު އަލީ އިހްސާން މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ މި މައްސަލާގައި މިހާތަނަށް ފުލުހުންގެ ހާއްސަ ޓީމުތަކުން 10 މީހުނާއި ދެ ގެ އަދި ތެޔޮއުފުލާ ދެ ބާޖު ބަލައިފާސްކޮށްފައި ވާކަމަށެވެ. އަދި މައްސަލައާ ގުޅުންހުރި އިލެކްޓްރޯނިކް ސާމާނާއި ލިޔެކިޔުން ހޯދާފައިވާކަމަށް އެ ޕޯސްޓުގައި ވެއެވެ.

އެފްއެސްއެމްގެ މުވައްޒަފުންތަކެއް އެ ކުންފުނީގެ ތެލުން ވައްކަންކޮށް، އޭގެއިން ލިބޭ ފައިސާ ލޯންޑާ ކުރަމުންދާ ކަމަށް ބުނާ މައްސަލައެއް ފެންމަތިކޮށްފައި މިވަނީ އެ ކުންފުނީގެ މެނޭޖިން ޑިރެކްޓަރު އިސްމާއީލް ސުހައިލު, އެތެރޭގެ ހިންގުންތަކަށް ބޮޑު ބަދަލުތަކެއް ގެެނެސް ކޮރަޕްޝަން ހުއްޓުވަން މަސައްކަތްކުރުމުން އޭނާ އާ ދެކޮޅަށް ކުންފުނިތެރޭ ބަޔަކު ފިތުނަ އުފައްދާ އޭނާ މަގާމުން އިސްތިއުފާވެސް ދީފައިވަނިކޮށެވެ.