ފާއިތުވެދިޔަ 24 ގަނޑއިރު ތެރޭގައި ފަލަސްތީނުގެ އެތަށް ހަގުރާމަވެރިންނެއް ޝަހީދު ކޮށްލައިފިއެވެ.

ޚާން ޔޫނިސްގެ ހުޅަނގުގައި ހަމާސްގެ ހަނގުރާމަވެރިންނާ އިސްރާއިލުން ދަނީ ހަނގުރާމަ ކުރަމުންނެވެ.

އެގޮތުން ފާއިތުވެދިޔަ 24 ގަނޑިއިރު ތެރޭގައި ފަލަސްތީނުގެ އެތަށް ހަގުރާމަވެރިންނެއް ޝަހީދު ކޮށްލާ ފަލަސްތީނުގެ 80 އަށް ވުރެ ގިނަ މީހުން އިސްރާއިލުން ވަނީ ހައްޔަރު ކޮށްފައެވެ.

ދިން ހަމަލާތަކުގެ ތެރޭގައި ސްނައިޕަރަކުން ހަމަލާދީ ފަލަސްތީނުގެ 15 އަށް ވުރެ ގިން ހަގުރާމަވެރިން ވަނީ ޝަހީދު ކޮށްލާފައެވެ.

މީގެ އިތުރުން ބެއިޓް ހަނޫން ކައިރީގައި އޮބްޒަވޭޝަން ޑިވައިސްތައް ބަހައްޓަން އުޅުނު ފަލަސްތީނުގެ ހަތަރު ހަނގުރާމަވެރިން އިސްރާއިލުން ދެނެގަނެ ކޮމްބަޓް ހެލިކޮޕްޓަރަކުން އެމީހުން ވަނީ ޝަހީދު ކޮށްލާފައެވެ.

އަދި ހަމައެހެންމެ ޣައްޒާގެ މެދުތެރެއާއި އުތުރުގެ ސަރަހައްދުތަކުގައި ވެސް ފަލަސްތީނުގެ ހަނގުރާމަވެރިންތަކެއްވަނީ ޝަހީދު ކޮށްލާފައެވެ.

އޮކްޓޯބަރު މަހުގެ 7 ވަނަ ދުވަހުން ފެށިގެން ޔަހޫދީ އިސްރާއިލުން ފަލަސްތިނަށް ދެމުން އަންނަ ހަމަލާތަކުގައި މިހާތަނަށް 27,478 ވަނީ ޝަހީދު ކޮށްލާފައެވެ. އަދި އެކި ވަރުގެ އަނިޔާތައް ލިބި 66,835 ވަނީ ޒަހަމްވެފައެވެ.