ތައްޔާރުކޮށްލަން ފަސޭހަ އަނގަޔަށް މީރު "ޕޮޓޭޓޯ ވެޖް" ކުކުޅު ފިހާރައިން ބާޒާރަށް ނެރެފި އެވެ.
މި ކަމާއި ގުޅިގެން ކުކުޅު ފިހާރައިގެ ސޭލްސް އެންޑް މާކެޓިން މެނޭޖަރު މާޝިތާ އާދަމް ވިދާޅުވީ، 10 ކިލޯގެ ޕޮޓޭޓޯ ވެޖް ކޭހެއްގެ އަގު އުޅެނީ 580ރ. އަށް ކަމަށެވެ.
އަދި ވިދާޅުވީ އަންނަ ރޯދައަށް އިތުރު ފިނިކުރި ކާބޯތަކެތި މާކެޓަށް ނެރެ އަގުހެޔޮކޮށް ވިއްކުމަށް އެ ފިހާރައިން ތައްޔާރުވަމުން އަންނަ ކަމަށެވެ.
ފިނިކުރި ކާބޯތަކެތި ރާއްޖެ އެތެރެކޮށް ފުޅާ ދާއިރާއެއްގައި ވިއްކާ ކުކުޅު ފިހާރައިން އަބަދުވެސް ރާއްޖޭގެ ބާޒާރަށް ތަފާތު އާ އުފެއްދުންތައް ތައާރަފުކުރެ އެވެ. އަދި އެތަކެތި ދިވެހިންނަށް ހެޔޮ އަގުގައި ލިބޭނެ އިންތިޒާމްތައް ހަމަޖައްސަ އެވެ.
މީގެ އިތުރުން ރަށްރަށުގެ ވިޔަފާރިވެރިން ގަނޑުކޮށް މުދާ ގަންނަ ނަމަ އެ ވިޔަފާރިވެރިޔަކު ބުނާ ބޯޓަކަށް މުދާ ޑެލިވަރީ ކޮށްދިނުމުގެ ހިދުމަތް ވެސް ދެއެވެ.
ގަނޑުކުރި ކުކުޅުގެ އިތުރުން އެ ފިހާރައިން ކޮށި ކުކުޅު، ކުކުޅުފައި، ބޯންލެސް ޗިކަން، މަޓަން، ލޭމްބް، ބީފް، ސީ ފުޑް، ސޮސެޖް، ޓާކީ، އަސްދޫނި މަހާއި ގަނޑުކޮށްފައި ހުންނަ ތަރުކާރީ އާއި ބަޓަރާއި ޗީޒްގެ އެކި ބާވަތްތައް ވެސް ހެޔޮ އަގުގައި ލިބެން ހުރެ އެވެ.
ކުކުޅު ފިހާރައިން ރާއްޖެއަށް އަލަށް ތައާރަފު ކުރާ އުފެއްދުންތަކާއި އެ ކުންފުނިން ހިންގާ ޕްރޮމޯޝަންތަކުގެ އިތުރު މައުލޫމާތު ކުކުޅު ފިހާރަ ފޭސްބުކް ޕޭޖުން / 9986575 ލިބޭނެ އެވެ.
