ކުރިއަށް އޮތް ދައުރުގައި ރައްޔިތުން މަޖިލީހުގައި ރައީސް އަބްދުﷲ ޔާމީން އަބްދުލް ޤައްޔޫމްގެ އަޑު އިއްވާނެ މީހަކަށަ ވާނެ ކަމުގެ ޔަގީންކަން، އެމަނިކުފާނުގެ ޕާޓީގެ ފަރާތުން މަޖިލިސް އިންތިހާބުގައި ވާދަކުރެއްވުމުގެ ޝައުގުވެރިކަން ފާޅުކުރައްވާފައިވާ އަބްދުﷲ ޖާމިއު ދެއްވައިފިއެވެ.
ޖާމިއު މިފަދައިން ވިދާޅުވީ، ރައީސް ޔާމީންގެ ޕާޓީ، ޕީއެންއެފުން ބޭއްވި ފްރަންޓް އޮފީސް ޖަލްސާގައި ވާހަކަ ދައްކަވަމުންނެވެ.
އެގޮތުން ޖާމިއު ވިދާޅުވީ، އޭނާ މަޖިލީހުގައި ރައީސް ޔާމީންގެ އަޑު އިއްވާނެ ކަމަށެވެ.
ރައްޔިތުންގެ މަޖިލީހުގައި ރައީސް ޔާމީންގެ އަޑު އިއްވާނެ މީހަކަށް އަޅުގަނޑު ވާނެ
އަބްދުﷲ ޖާމިއު
މީގެ އިތުރުން ޖާމިއު ވަނީ އިޚުލާސްތެރި ކަމާއެކު މަސައްކަތް ކުރައްވާނެ ކަމުގެ ޔަގީންކަންވެސް ދެެއްވާފައެވެ.
ރައީސް ޔާމީންގެ ޕާޓީގެ ފަރާތްޕުޅުން ރައްޔިތުންގެ މަޖިލީހުގައި ކުރިމަތި ލުމަށް ޝައުގުވެރިކަން ފާޅުކުރައްވާފައިވާ ކެންޑިޑޭޓުން އަބަދުވެސް ސަރުކާރު ޖަވާބުދާރީ ކުރާނެ ކަމުގެ ޔަގީންކަން ދެމުންދާކަން ފާހަގަކޮށްލެވެއެވެ.
