ރައްޔިތުންގެ މަޖިލީހަކީ ސަރުކާރުގެ ވެރިކަން ކުރުމުގެ ބާރު ޒިންމާދާރުކުރުވަން ރައްޔިތުން ހޮވާފައި އޮންނަ މަޖިލީހެއް ނަމަވެސް މިއަދު އެ މަޖިލީހުގެ ޒިންމާ އަދާކުރާ މަންޒަރު ނުފެންނަ ކަމަށް ޕީޕަލްސް ނެޝަނަލް ފްރޮންޓް (ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހު މިފަދައިން ވިދާޅުވެފައިވަނީ ރޭ ޕީއެންއެފުން ބޭއްވި ޖަލްސާގައި ވާހަކަ ދައްކަވަމުންނެވެ.

ރޭގެ ޖަލްސާގައި ޕީއެންއެފްގެ ރިސާރޗު ހައްދަވާ ލަތީފު ވަނީ މަޖިލިސް ރައީސް އަދުރޭ އެ މަގާމަށް އައުމުގެ ކުރިން އޭނާގެ ނަމުގައި ހުރި މުދާ އެތައް ގުނައެއް އޭނާ މަޖިލިސް ރައީސް ކަމަށް އައިސް މިވީ އަހަރެއް ދުވަސް ތެރޭގައި އެތައް ގުނަ އިތުރުވެފައިވާކަން ހާމަކުރައްވާފައެވެ.

އެކަމަށް އިޝާރާތްކުރައްވާ މަލީހު ވިދާޅުވީ، އަދުރޭ އުޅުއްވަނީ ވިޔަފާރީގައި އަވަދި ނެތިކަން އެކަންކަމުން ހާމަވާ ކަމަށާ އެހެންކަމުން ސަރުކާރަށް ފާރަވެރިވެ މަޖިލީހުން ސަރުކާރު ޖަވާބު ދާރީ ކުރުވުމަށް ކުރަން ޖެހޭ އެއްވެސް މަސައކްަތެއް މިއަދު ނުކުރެވޭކަމަށެވެ.

މަލީހު އިތުރަށް ވިދާޅުވީ، އެހެންކަމުން މަޖިލީހުގެ ޒިންމާ އަދާކުރައްވަނީ، ރައީސް އަބްދުﷲ ޔާމީންއާ ޕީއެންއެފްގެ ޕޯޑިއަމުއިން ކަމަށެވެ.

މަލީހު އިތުރަށް ވިދާޅުވީ، އިގްތިސޯދު ހަމައަކަށް އެޅުވުމަށްވެސް ރައީސް މުއިއްޒުގެ ސަރުކާރުން ނުކުޅެދިފައިވާ ކަމަށާ އިކޮނޮމިކު މިނިސްޓަރު މުހައްމަދު ސައީދު އުޅުއްވަނީ 1000 މީޓަރު އަޑީގައި ކަމަށެވެ