ދިވެހިރާއްޖެއަކީ މިއަދު ފެއިކްވެފައިވާ ދައުލަތެއްގެ ގޮތުގައި، ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ސިފަކުރައްވައިފިއެވެ.
ސިލްސިލާކޮށް މާލޭގައި މިހާރު ކުރަމުންދާ މުާހަރާތަކުގެ ތެރެއިން ބުރާސްފަތި ދުވަހުގެރޭ ކުރި މުޒާހަރާގައި ަހއްޔަރުކުރި ޕީއެންއެފަށް ތާއިދުކުރާ ދެ ބައިވެރިއަކު ދޫނުކޮށް އަދި ކޯޓުން މުއައްދަތުވެސް ނުޖަހާ ފުލުހުން ބައިތިއްބާފައިވާ ތިބި ތިބުމަށް އިޝާރާތްކުރައްވާ މަލީހު ވަނީ އެކްސްގައި ޕޯސްޓެއް ކުރައްވާފައެވެ.
މަލީހު ވިދާޅުވެފައިވަނީ އެއީ އަނިޔާވެރިކަމުގެ އިންތިހާ ކަމަށާ، މީހަކު ދައްކާ ވާހަކައަކަށް ބިނާކޮށް ހިފާ ހައްޔަރުކުރާ ކުރުން ނިމުމަކަށް އަންނަން ޖެހޭ ކަމަށެވެ. ހަމަ އެހެންމެ ހިނގަމުންދާ ހުރިހާ ކަންކަމަށް ބަލާ، މިއަދު ރާއްޖެވަނީ ފެއިލްވެފައިވާ ދައުލަތެއްގެ ގޮތުގައި ކަމަށް ވެސް މަލީހު ވަނީ ވިދާޅުވެފައެވެ.
މަލީހު މިފަދައިން ވިދާޅުވެފައިވާއިރު، ރައީސް މުހައްމަދު މުއިއްޒުގެ ސަރުކާރުން ގެންދަނީ ނޫސްވެރިންނާ އަދި މަގުތައް މަތީ ސަރުކާރާ ދެކޮޅަށް އަޑު އުފުލާ މީހންވެސް ހިފާ ހައްޔަރުކޮށް ބިރު ދައްކަމުން ކަމަށް ގިނަ ބަޔަކު ބުނަމުންދެއެވެ.
