ގާނޫނު އަސާސީގައި އެބަ އޮވޭ ރައްޔިތުންގެ ހައްގުތައް ރައްކާތެރިކޮށޤދޭން އޮންނަ ބައެއް. އަޅުގަޑުމެން ގެނައީ ގަވަނެންސް ނިޒާމެއް. އަޅުގަޑުމެން މިގެނައި ޑިމޮކްރެސީގެ ނިޒާމެއް. އެއީ އެއްވަނަ ދުނިޔޭގެ ގައުމުގެ ގައުމުތަކަ އެއްގޮތަށް ހިނގޭތޯ އަޅުގަޑުމެން މި ބަލަނީ. އެއީ އާޚިރުގައި ހިމާޔަތްވެގެން ދަނީ ރައްޔިތުންގެ ހައްގުތައް ކަމަށް ވާތީ. އެކަމަކު އެ ނިޒާމުން ނުވަތަ ގާނޫނު އަސާސީއިން ރައްޔިތުންގެ މަޖިލިސް މެމްބަރުންނާ މުއައްސަސާތަކުން ކުރަން ޖެހޭ ކަންކަން ނުކުރާ މަންޒަރު މިއުޅެނީ، ގާނޫނު އަސާސީއިން ބާރުތައް ދިފައި ހުރި މުއައްސަސާތަކުގެ ނިޒާޟު ނުދަމަހައްޓާތަން މި ފެންނަނީ. އެކަމުގެ ޒިންމާ ނަގަން ޖެހޭނީ ސީދާ ރައީސުލްޖުމްހޫރިއްޔާ. ގާނޫނު އަސާސީގައި 115 ވަނަ މާއްދާގައި ރައީސުލްޖުމްހޫރިއްޔާއާ ހަވާލުކޮށްފައިވާ ޒިންމާތަކުގެ ތެރޭގައި ބުނެފައިވޭ ދައުލަތުގެ މުއައްސަސާތައް ހިނގާ ނުހިނަގާ ގޮތް ބެލުން. އޭނާ ފުރަތަމަ ކުރަން ޖެހޭ ކަމަކީ ގާނޫނީ ހުކޫމަތާ އެއްގޮތަށް ހިނގާ ނުހިނގާތޯ ކަށަވަރުކުރުން. އެކަމަކީ ގާނޫނު އަސާސީއިން ރައީސުލްޖުމްހޫރިއްޔާއަކަށް ހުންނަ މީހެއްގެ މައްޗަށް މަޖްބޫރުކޮށްފައި އޮންނަ ޒިންމާއެއް. މިހާރު މި ފެންނަނީ އެއްވެސް މުއައްސަސާއެއް ނުހިނގާތަން. އެހެންވީމަ މުއައްސަސާތައް ނުހިނގަނީ ކީއްވެތޯ ބަލާ އެކަމަށް ބޭނުންވާ ފަރުވާ އާސަންދައިގެ ތެރެއިންވިޔަސް އެންސްޕާގެ ތެރެއިން ވިޔަސް އެކަން ކުރަން ޖެހޭ މީހަކީ ރައީސުލްޖުމްހޫރިއްޔާ. އެހެންވީމަ މި ދަންނަވަނީ އިމްޕީޗަބަލް އޮފެންސްތަކެއް އެބަހުއްޓޭ މުއިއްޒުގެ މައްޗަށް.