ރައީސް ޔާމީން ވިދާޅުވީ ސަރުކާރުން ތަކެތީގެ އަގު ބޮޑުވިޔަ ނުދޭން ކުރާނީ ކޮންކަމެއްތޯ އައްސަވާފައި / ތޭރަގްރެފިކްސް
ސިޔާސީ
ސައީދު ގެންދަވަނީ ސްވީޕިން ސްޓޭޓުމަންޓުތަކެއް ހަދަމުން: ރައީސް ޔާމީން
Mariyam Isaadha
މަރިޔަމް އިސާދާ
16 ފެބްރުއަރީ 2025
މާލެ ސިޓީ

މި އަހަރުގެ ރަމަޟާން މަހު ތަކެތީގެ އަގު ބޮޑުކޮށް ވިއްކާނަމަ އެކަން ސަރުކާރުގެ ސަމާލުކަމަށް ރައްޔިތުން ގެނައުމަށް އިގްތިސޯދީ ވަޒީރު މުހައްމަދު ސައީދު ވިދާޅުުމުން ރައީސް އަބްދުﷲ ޔާމީންގެ ވަރުގަދަ ރައްދެއް އަމާޒު ކުރައްވައިފިއެވެ.

ރައީސް ޔާމީންގެ ރައްދު އަމާޒުކުރެއްވީ އާދިއްތަ ދުވަހުގެރޭ ޕީއެންއެފުން ބޭއްވި ޖަލްސާގެ މައުޟޫއަށް އިންސާފު ކޮށްދެއްވާ އޯޑިއެންސްގައި އިންނަވާ ދެއްކެވި ވާހަކަފުޅުގައެވެ.

ރައީސް ޔާމީން ވިދާޅުވީ، ތަކެތީގެ އަގު ބޮޑުވާ ނަމަ އެކަން ސަރުކާރަށް އެންގުމަށް އިގްތިސޯދީ ވަޒީރު ރައްޔިތުންނަށް ގޮވާލާފައިވާއިރު އެ ތަކެތީގެ އަގު ދަށްކުރުމަށް ސަރުކާރުން ކުރާ ކަމެއް އަދި ތަކެތީގެ އަގު ބޮޑުކޮށްފި ނަމަ ސަރުކާރުން ކުރާނެ ކަމެއްވެސް ބުނެދެވިފައިނުވާ ކަމަށެވެ.

ރައީސް ޔާމީން ވިދާޅުވީ ސަރުކާރުން އެއްވެސް ކަމެއް ހާމައަށް ރައްޔިތުންނަށް އަންގާ ނުދޭ ކަމަށާ މުޅިން ވެސް ގެންދަނީ ތާކުން ތާކު ނުޖެހޭ، ސްވީޕިން ސްޓޭޓުމަންޓުތަކެއް ހަދަމުން ކަމަށެވެ.

ސައީދު ކޮންކަމެއްހޭ ކުރާނީ އަގުބޮޑުވިޔަ ނުދޭން. ސައީދެއް ނޫން ފެނާ ކަރަންޓުގެ އަގު ބަލަހައްޓަވާ ފަރާތަކީ. ސައީދެއް ނޫން ގެދޮރު ކުލި ބަލަހައްޓަވަނީ. ދެން ސައީދު އިގްތިސޯދާ ހަވާލުވެ ހުންނެވުމުން އެސްޓީއޯއިން މައިގަނޑު ބައެއް ސާމާނު ކުރިން ގެނެއި އުސޫލުން ގެނެވިދާނެ. އެކަމު އެއީ ވަރަށް މަދު މުދާ. އެހެންވީމާ ރަމަޟާން މަހު ތަކެތީގެ އަގު ބޮޑުވެގެން ނުދާނެއޭ ސައީދު ވިދާޅުވާއިރު ސައީދުއަކަށް ރައްޔިތުންނަށް ކޮންވިންސް ވާވަރަށް މި ނުދާންވީ ސަބަބެއް ވިދާޅުވެ ނުދެއްވޭ. ހަމަ ހައްދަވަނީ ވަރަށް އޯވާ ސިމްޕްލިފައިޑް ސްވީޕިން ސްޓޭޓުމަންޓުތަކެއް. އިންފްލޭޝަން ތިން ޕަންސަންޓު ހުއްޓޭ ބުނެ ވެސް ހަދަނީ ރޯ ބުހުތާނު ދޮގު.

- ރައީސް ޔާމީން

ރައީސް ޔާމީން ވަނީ ސަރުކާރުން ރައްޔިތުންނަށް ކިޔައިދޭ ވާހަކަތަކަކީ ޚިޔާލީ ފޮލާގެ ގޮތުގައި ސިފަކުރައްވާފައެވެ. އެގޮތުން ރައީސް ޔާމީން ވިދާޅުވީ އެއް އަހަރުވެގެން ދިޔައީމަވެސް ސަރުކާރުން ރައްޔިތުންނަށް ކިޔައި ދެނީ އަލިފު ލައިލާ ވާހަކަ ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved