ގައުމު ނުދަރުވާ މި ސަރުކާރުން ސަލާމަތްކޮށްފި ކަމަށް ބުނި ބުނުމަށް ރައީސް ޔާމީން ވަނީ ރައްދު ދެއްވާފައި / ތޭރަ އޮންލައިން
ސިޔާސީ
ރައީސް ޔާމީންގެ ސުވާލެއް ސައީދަށް: ސަރުކާރު ނުދަރާ އޮތީ ކޮން ގޮތަކަށް
Mariyam Isaadha
މަރިޔަމް އިސާދާ
16 ފެބްރުއަރީ 2025
މާލެ ސިޓީ

ރައީސް ޑރ މުހައްމަދު މުއިއްޒުގެ ސަރުކާރުގެ އެންމެ ބޮޑު ކާމިޔާބީއަކީ ރާއްޖޭ ނުދަރުވާ ސަލާމަތްކުރެވުން ކަމަށް އިގްތިސޯދީ ވަޒީރު މުހައްމަދު ސައިދު ވިދާޅުވި ވިދާޅުވުމަށް ރައީސް އަބްދުﷲ ޔާމީންގެ ސުވާލެއް އަމާޒުކުރައްވައިފިއެވެ.

ރައީސް ޔާމީން މިފަދައިން ސުވާލެއް އަމާޒުކުރެއްވީ ޕީއެންއެފުން އާދިއްތަ ދުވަހުގެރޭ ބޭއްވި ޖަލްސާގައި އޯޑިއެންސްގައި އިންނަވާ ވާހަކަފުޅު ދައްކަވަމުންނެވެ. ރައީސް މުއިއްޒުގެ ރިޔާސީ ބަޔާނުގައި އޮއްޓަރެއް ނެތްކަން ފާހަގަކުރައްވާ ރައީސް ޔާމީން ވިދާޅުވީ، ރާއްޖެ ނުދަރާ ސަލާމަތްކުރެވިއްޖެ ކަމަށް މިނިސްޓަރު ސައީދު ވިދާޅުވާއިރު ގައުމު ނުދަރާ އޮތީ ކޮން ގޮތަކުން ކަމާ މެދު އެމަނިކުފާނަށް ސުވާލު އުފެދޭ ކަމަށެވެ. ރައީސް ޔާމީން ވިދާޅުވީ، އެމްޑީޕީއިން ގައުމު ދެރުވި ވާހަކަވެސް ދައްކަން ޖެހޭ ކަމަށާ އަދި އެ ނުރަނގަޅު ރަގަޅު ކުރަން އައިސް ޕީއެންސީއިން ގެންދަނި އެއަށް ވުރެ ގޯސްކޮށް ކަންކަންކުރަމުންކަމަށްވެސް ރައީސް ޔާމީން ފާހަގަކުރެއްވިއެވެ.

އެގޮތުން ޔޫޓީއެފް މިދިޔަ ސަރުކާރުގައި އިންޑިއާއަށް ދިނުމުން ނުރުހުން ފާޅުކުރި މީހުން މިއަދު ސަރުކާރުގައި ތިބެ ޔޫޓީއެފް އިންޑިއާއަށް ދީފައިވަނީ ރައީސް މުހައްމަދު ނަޝީދުގެ ސަރުކާރުގައި ޖީއެމްއާރަށް ދިވެހިންގެ އެއާޕޯޓު ދިން ދިނުމުގެ ދެގުނަ މިންވަރަށް ކަމަށްވެސް އެމަނިކުފާނު ވިދާޅުވިއެވެ.

ރައްޔިތުންނަށް ދަތިވެފައި ހުރި ކަންކަމުގައި ކޮބައިހޭ މި ސަރުކާރުގެ ވިޝަންއަކީ. ސަރުކާރު މިދަނީ ކޮން ދިމާއަކަށްހޭ. އަޅުގަޑު ސައީދުމެންނަށް ދަންނަވަން އޮތް ވާހަކައަކީ ސަރުކާރު ނުދަރަނީ ކޮން ގޮތަކަށްހޭ. ދަރަނި މާނަ ކުރައްވަނީ ކިހިނެއް ހެއްޔޭ. ކޮބާހޭ ޗައިނާއަށް ދައްކަން ހުރި ފައިސާ. ކޮބާހޭ އިންޑިއާއަށް ދައްކަން ހުރި ފައިސާ. އަދި މިހާރު އިން ކަރަންސީ އޮޅޭ އިޝޫއަކީ ޔޫޓީއެފްއަށް ހެދި ކިހިނެއްހެއްޔޭ. މިހާރު އެ އޮތީ ޔޫޓީއެފް ދިގު މުއްދަތަކަށް އަނބުރާ ނުނެގޭ ގޮތަށް ފްރީ ހޯލްޑަކަށް ދީފައި އެއޮތީ އިންޑިއާއިން 2000 ކޮންމެވެސް ވަރަކަށް ބިލިއަން ނަގާފައި ދީފައި. އެހެންވީމަ ކޮބާ ދަރަންޏަކީ. މި ފައިސާއަކީ ދައްކަން ޖެހޭ ފައިސާ. އަޅުގަޑުމެންނަށް ކަންބޮޑުވުގެން އަޅުގަޑުމެން އެންމެން ނުކުތީ ޖީއެމްއާރަށް ދިގު މުއްދަތަކަށް ރައީސް ނަޝީދު އެއާޕޯޓު ދިނީމަ ވިއްކާލީއޭ ކިޔާފައި. އެއަށް ވުރެ ދިގު މުއްދަތަަކަށް މިހާރު ޔޫޓީއެފް ދީފަ މިއޮތީ. އެ ވާހަަކައެއް ނުދައްކާ އިނގޭތޯ.

- ރައީސް ޔާމީން

ރައީސް ޔާމީން ވިދާޅުވި ގައުމުގެ އިގްތިސޯދާ ގުޅުވާ ވެސް ސަރުކާރުން ގެންދަނީ ބޮޑެތި ދޮގު ހަދާ އޮޅުވާލަމުން ކަމަށާ އެގޮތުން އިންފްލޭޝަން ވެސް 3 ޕަަސެންޓަށް ތިިރިވެއްޖެ ކަމަށް ވިދާޅުވެ ވެސް ސަރުކާރުން ހަދަނީ ބުހުތާނު ދޮގު ކަމަށެވެ. އެމަނިކުފާނު ވަނީ 3 އިންސައްތައަށް ގައުމުގެ އިންފްލޭޝަން ސަރުކާރުން ތިރިކުރިނަމަ އެކަމަށް ހެދި ޖާދޫ ވެސް ކިޔައިދެއްވަން އެދިވަޑައިގަންނަވާ ކަމަށް ވިދާޅުވެފައެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved