ސަހްޔޫނީ ޖަލުތަކުގައި ބަންދުކޮށްފައި ތިބި ފަލަސްތީނުގެ އެތައް ސަތޭކަ ބަޔަކު ދޫކޮށްލުން ލަސްކޮށްފިއެވެ.

ސަހްޔޫނީން ފަލަސްތީނުގެ މީހުން ދޫކޮށްލުން ލަސްކުރީ ހަމާސްއިން ރަހީނުކޮށްފައި ތިބި ސަހްޔޫނީން މިނިވަން ކުރަނީ ވަރަށް ނިކަމެތިކޮށްކަމަށް ބުނެއެވެ.

މިއީ ހަނގުރާމަ ހުއްޓާލުމުގެ މިހާރުގެ މަރުހަލާ އެއް ހަފްތާގެ ތެރޭގައި ހަމަވުމުގެ ކުރިން އިތުރުކޮށް، އިތުރު ރަހީނުން ދޫކޮށްލުމަށް ސަހްޔޫނީން ކުރާ މަސައްކަތެއް ކަމަށް މަސްދަރުތަކުންދަނީ ރިޕޯޓު ކުރަމުންނެވެ.

ސަހްޔޫނީންގެ އަސްކަރިއްޔާއިން ވެސް ދަނީ ހިފާފައިވާ ހުޅަނގު އައްސޭރީގައި ބާރުގަދަ ހަމަލާތަކެއް ދީ ހަމަލާތައް ވަރުގަދަ ކުރަމުންނެވެ. ސަހްޔޫނީންގެ ޑިފެންސް މިނިސްޓަރު އަންނަނީ ކުރިއަށް އޮތް އަހަރު ފަލަސްތީނުގެ ރެފިއުޖީ ކޭމްޕްތަކުގައި ސިފައިން ބަހައްޓައި، ގެދޮރު ގެއްލިފައިވާ މީހުން އެނބުރި އައުން ހުއްޓުވުމަށް ވައުދުވެވަޑައިގަންނަވަމުންކަންވެސް ފާހަގަކޮށްލެވެއެވެ.

ގައިދީން ދޫކޮށްލުން ލަސްވުމަކީ ހަނގުރާމަ ހުއްޓާލުމަށްވި އެއްބަސްވުމާއި ހިލާފު ކަމެއް ކަމަށް ހަމާސް އިން ބުނެފައިވެއެވެ.