ޔަހޫދީ އިސްރާއިލުންގެ އަނިޔާވެރި ހަމަލާތަކުގައި ފަލަސްތީނުގެ އިތުރު 63 މީހަކު ޝަހީދު ކޮށްލައިފިއެވެ.

ޣައްޒާގެ ހެލްތު މިނިސްޓްރީން ހާމަކޮށްފައިވާ ގޮތުގައި އިޒްރޭލުން ރަފާއަށް އާދިއްތަ ދުވަހުގެ ރޭ ދިން ހަމަލާތަކުގައި ފަލަސްތީނުގެ 63 މީހަކު ވަނީ ޝަހީދު ވެފައެވެ.

މީގެ އިތުރުން ޣައްޒާގެ މެދުތެރޭގެ ޑެއިރް އެލްބާލާގައި އިސްރާއީލުންގެ ހަމަލާތަކުގައި މަދުވެގެން 15 މީހުން ޝަހީދު ވެފައިވާ ކަމަށް އަލްޖަޒީރާއިން ރިޕޯޓު ކޮށްފައިވެއެވެ.

އިސްރާއިލުން ވަނީ ގުދުސްގެ ސިޓީ އެއްގައި ބަޑިޖަހާ ފުރާވަރު ކުއްޖެއް ޝަހީދު ކޮށްލާފައެވެ.

އޮކްޓޯބަރު މަހުގެ 7 ވަނަ ދުވަހުން ފެށިގެން އިސްރާއީލުން ޣައްޒާއަށް ދެމުންދާ ހަމަލާތަކުގައި ފަލަސްތީނުގެ 28،176 މީހަކު ވަނީ ޝަހީދު ވެފައެވެ. އަދި މި ހަމަލާތަކުގައި އެކިވަރުގެ އަނިޔާތައް ލިބި 67،784 މީހުން ވަނީ ޒަޚަމްވެފައިވެއެވެ.