މަރުވެފައިވާ ރަހީނުންގެ ހަށިގަނޑުތަކުގެ ބަދަލުގައި ފަލަސްތީނުގެ އެތައް ސަތޭކަ ގައިދީންނެއް ދޫކޮށްލުމަށް ސަހްޔޫނީންނާއި ހަމާސް އިން އެއްބަސްވެއްޖެ އެވެ.
މިހާރު ކުރިއަށްދާ ހަ ހަފްތާގެ ފުރަތަމަ މަރުހަލާގެ އެއްބަސްވުން ހޮނިހިރު ދުވަހު ހަމަވެއެވެ.
އެ މައްސަލަ ހައްލުކުރުމަށް އެއްބަސްވުމަކަށް އައިސްފައި ވަނީ އެ ޖަމާއަތުގެ އެންމެ އިސް ސިޔާސީ އޮފިޝަލް ކަމަށްވާ ޚަލީލް އަލް ހައްޔާ އިސްކޮށް ހުންނަވައިގެން ޤާހިރާއަށް ކުރެއްވި ދަތުރުފުޅެއްގައި ކަމަށް ހަމާސްއިން ބުނެ އެވެ.
މަރުވެފައިވާ އިތުރު ހަތަރު ރަހީނުންނާއި ހަނގުރާމަ ހުއްޓާލުމުގެ ދަށުން ދޫކޮށްލުމަށް ހަމަޖެހިފައިވާ ސަހްޔޫނީންގެ ހައްޔަރުގައި ތިބި އިތުރު އެތައް ސަތޭކަ ގައިދީނެއް އަނބުރާ ގެނައުމަށް ހަމަ ޖެހިފައިވަނީ އަންނަ ބުރާސްފަތި ދުވަހެވެ.
ހަމާސް އިން މަރުވެފައިވާ ހަތަރު ރަހީނެއްގެ ހަށިގަނޑުގެ އިތުރުން އިތުރު ރަހީނުން ދޫކޮށްލާފައިވަނީ އާންމު ބޮޑެތި ރަސްމިއްޔާތު ތަކެއްގައިކަން ފާހަގަކޮށްލެވެ އެވެ.
