ރަޝިޔާ އާއި ޔުކްރެއިންގެ ތިން އަހަރުވީ ހަނގުރާމަ އެއް މަސް ދުވަހުގެ މުއްދަތަށް މެދުކަނޑާލަން ފްރާންސާއި އިނގިރޭސިވިލާތުން ހުށަހަޅަން ނިންމައިފި އެވެ.

ރަޝިޔާ އާއި ޔުކްރެއިނުން 2014 ވަނަ އަހަރުން ފެށިގެން ހަނގުރާމަކުރަމުން ގޮސް ޔުކްރެއިނަށް ރަޝިޔާ ސިފައިން އެރީ ފެބްރުއަރީ 24، 2022 ގަ އެވެ. އޭގެ ފަހުން ހަނގުރާމަ ވަރުގަދަވެ އެތައް ހާސް ބަޔަކު މަރުވެފައި ވާއިރު މި ފަހުން ޔުކްރެއިންގެ ބޯޑަރު ސަރަހައްދުގެ ބައެއް އަވަށްތައް ރަޝިޔާއިން ވަނީ ހިފައިފަ އެވެ.

ރަޝިޔާ އާއި ޔުކްރެއިނުގެ ހަނގުރާމަ އަކީ ހުއްޓަން ވެއްޖެ ހަނގުރާމައެއް ކަމަށް ވިދާޅުވަމުން ވެރިކަމުގެ ދެވަނަ ދައުރެއް ކަށަވަރު ކުރެއްވި އެމެރިކާގެ މިހާރުގެ ރައީސް އަންނަނީ އެކަމަށް ވަރަށް "ބާރަށް" އަޑު އުފުލަމުން ނެވެ.

ޓްރަމްޕު ކުރިން ވަނީ މިދިޔަ ޖެނުއަރީ މަހުގެ 20 ވަނަ ދުވަހު މަގާމާ ހަވާލުވެ ވަޑައިގަތުމުގެ 24 ގަޑިއިރު ކުރިން ރަޝިޔާ-ޔުކްރެއިން ހަނގުރާމަ ނިމުމަކަށް ގެންނާނެ ކަމަށް ވިދާޅުވެފަ އެވެ.

ވައިޓްހައުސްގެ އޮފިޝަލަކާއި ހަވާލާދީ އެމެރިކާގެ ނޫސްތަކުން މިއަދު ރިޕޯޓުކޮށްފައިވާ ގޮތުގައި ޔުކްރޭނަށް އަސްކަރީ އެހީތައް ދިނުން މެދުކަނޑާލުމުގެ އިތުރުން އެގައުމަށް އެމެރިކާ އިން އަސްކަރީ ގޮތުން ދެމުންދާ އެހީތައް ރިވިއު ކުރުމަށް ނިންމާފައިވާ ކަމަށެވެ.

މި ފިޔަވަޅުގެ ދަށުން ޔުކްރޭނަށް ފޮނުވުމުގެ މަގުމަތީގައިވާ ހުރިހާ ތަކެއްޗެއް އެގައުމާއި ހަމައަށް ގެންދިޔުން ވެސް މެދުކަނޑާލުން ހިމެނެ އެވެ. ރިޕޯޓުތައް ބުނާގޮތުން އެމެރިކާ ސަރުކާރުގެ މި ފިޔަވަޅަކީ ހަނގުރާމަ ނިމުމަކަށް ގެންނަން ރަޝިއާއާއެކު އެއްބަސްވުމަކަށް އަންނަން ޔުކްރޭނަށް ޕްރެޝަރު ކުރުމެވެ.

ރަޝިއާ ޔުކްރެއިންއަށް އަރައިގަންނަ ހިސާބަށް ޔުކްރެއިން ރަޝިއާ އާ ޖެއްސީ އަދި ރަޝިއާ އާއެކު ސުލްހައިގެ ވާހަކަތައް ދެއްކުމުގެ ބަދަލުގައި ހަނގުރާމަ ކޮށްގެން ރަޝިއާ އިނދަޖައްސާލެވޭނެކަމަށް ބުނެ ޔުކްރެއިން ލައްވައި ހަނގުރާމަ ކުރިޔަށް ގެންދިޔައީ ޔޫރަޕްގެ ބާރުތަކާއި އެމެރިކާގެ ކުރީގެ ސަރުކާރުންނެވެ.

ނަމަވެސް ޓްރަމްޕް އެމެރިކާގެ ވެރިކަމުގެ ހުވާ ކުރެއްވި ދުވަހުން ފެށިގެން މިހާރު ހާލަތު ވަނީ ވަރަށް ބޮޑަށް ބަދަލުވެ މުޅި ހަނގުރާމައިގައި ކުށްވެރިންނަކީ ޔޫކްރެއިން ކަމަށް އެމެރިކާއިން ކަޑައަޅާ ހިސާބުގައި އެވެ.

އެގޮތުން މިފަހުން ވައިޓް ހައުސްގައި ޓްރަމްޕް އާއި ޒެލެންސްކީ އާ ދެމެދު ހިނގި ޒުވާބުގައި މިކަން އިތުރަށް ދުނިޔެއަށް ވަނީ ހާމަވެފަ އެވެ. ވައިޓް ހައުސްގައި ޓްރަމްޕް އާއި ޒެލެންސްކީ އާ ދެމެދު ހިނގި ޒުވާބަށްފަހު ޒެލެންސްކީ ވަނީ މީޓިންތަކުގައި އޮންނަ ޕްރޮޓޮކޯލްތަކާ ޚިލާފަށް ކުއްލި ގޮތަކަށް ވައިޓް ހައުސްއިން ނުކުމެ ވަޑައިގެންފައެވެ.

މުރާސިލުން ބުނާގޮތުގައި ޒުވާބަށްފަހު ޒެލެންސްކީ ކުއްލިގޮތަކަށް ނުކުމެވަޑައިގަތީ ޒެލެންސްކީ ވައިޓް ހައުސް އިން ވަގުތުން ބޭރުވުމަށް ޒެލެންސްކީގެ ޓީމުގައި ހިމެނޭ ޑިޕްލޮމެޓުންނަށް ވައިޓް ހައުސްގެ އިސްބޭފުޅުން އެންގުމާ ގުޅިގެންނެވެ. މިއީ ޒެލެންސްކީ ވައިޓް ހައުސްއިން ބޭރުކޮށްލުންކަމަށް މި ބައްދަލުކުރެއްވުން ކަވަރުކުރި ގިނަ ނޫސްވެރިންވަނީ ސިފަކޮށްފައެވެ.

އޭގެފަހުން އެމެރިކާގެ ހައުސް އޮފް ރެޕްރެޒެންޓެޓިވްގެ ރައީސް, ރިޕަބްލިކަން ޕާޓީގެ މައިކް ޖޯންސަންސް ވެސް ވަނީ ޒެލެންސްކީ ގޮތް ދޫކޮށް އަލުން މަޝްވަރާއަށް އައުމަށް ނުވަތަ އެކަން ކުރެވޭނެ މީހަކަށް ފުރުސަތު ދިނުމަށް ގޮވާލައްވައިފަ އެވެ.

ޓްރަމްޕާއި ޒެލެންސްކީގެ ޒުވާބުގައި ޓްރަމްޕް ވަނީ ޒެލެންސްކީ ގޮތް ދޫނުކޮށް ހުންނަން ބޭނުން ނަމަ ހުންނަންވީ ކަމަށާއި އެކަމުން ޔުކްރެއިނަށް ވާނެ މޮޅެއް ނެތް ކަމަށެވެ. ޒެލެންސްކީ އަކީ ޝުކުރުވެރިނުވާ ބޭފުޅެއް ކަމަށާއި މީޑިއާ ކުރިމަތީ އެމެރިކާ ސަރުކާރަށް ކުޑައިމީސްކޮށް މުޅި އެމެރިކާއަށް އިހުތިރާމު ކުޑަކޮށްފި ކަމަށް ވެސް ވިދާޅުވި އެވެ.

ޔުކްރޭނަށް މިހާތަނަށް އެންމެ ބޮޑު އެހީތެރިކަމެއް ފޯރުކޮށްދިން ގައުމަކީ އެމެރިކާ އެވެ. އެގޮތުން ޖެނުއަރީ 2022 އިން ފެށިގެން މިދިޔަ އަހަރުގެ ޑިސެމްބަރުގެ ނިޔަލަށް އެމެރިކާ އިން ވަނީ 119.7 ބިލިއަން ޑޮލަރު އެހީގެ ގޮތުގައި ޔުކްރޭނަށް ދީފަ އެވ