ނޫސްވެރިޔާ ހުސެއިން ފިޔާޒު މޫސާއަށް ރައީސުލްޖުމްހޫރިއްޔާ ފޯނުން ގުޅުއްވައި ބިރުދެއްކެވި މައްސަލަ އިންސާފުވެރިކަމާއެކު ތަހުގީގު ކުރުމަށް ޓްރާންސްޕޭރެންސީ މޯލްޑިވްސް އިން ގޮވާލައިފިއެވެ.
އެ ޖަމިއްޔާއިން ނެރުނު ބަޔާނެއްގައި ބުނީ ނޫސްވެރިކަން ކުރުމަށް މިނިވަން މާހައުލެއް ފަހިވެފައި އޮތުމަކީ ޑިމޮކްރެޓިކް މުޖުތަމައުއެއް ދުޅަހެޔޮކޮށް އޮތުމަށް ވަރަށް މުހިންމު ކަމެއް ކަމަށެވެ.
އެގޮތުން އެމްޖޭއޭއިން ކަންބޮޑުވުން ފާޅުކޮށް ގޮވާލާފައިވާ ކަންކަން އެ ޖަމްއިއްޔާއިން ވެސް ތަކުރާރު ކުރާ ކަމަށާ ނޫސްވެރިންނަށް ބިރު ދައްކާ ކަމަށް ކުރެވޭ ތުހުމަތުގެ މައްސަލައިގައި މިނިވަން ތަހުގީގެއް ހިންގަން ޖެހޭކަމަށް ޓްރާސްޕޭރެންސީގެ ބަޔާނުގައި ބުނެފައިވެއެވެ.
އެމްޖޭއޭއިން ވެސް ނެރުނު ބަޔާނުގައި ވަނީ އެ މައްސަލަ ތަހުގީގުކުރުމަށް ގޮވާލާފައެވެ. އަދި މައްސަލައިގެ މައުލޫމާތު ހޯދުމަށް ފިޔާޒު އެކައުންސިލަށް ހާޒިރުކުރުމަށްވެސް ނިންމާފައިވެއެވެ.
މި މަހުގެ 14 ވަނަ ދުވަހުގެރޭގެ އިރާކޮޅު ރައީސް ޑރ މުހައްމަދު މުހައްމަދު ފިޔާޒިއަށް ބިރު ދައްކަވާފައިވާ ކަމަށް ވަނީ ފޯނުން ގުޅުއްވައިގެން ކަމަށް ކުރިން އަދަދު ނޫހުން ރިޕޯޓުކޮށްފައިވެއެވެ. އަދި މައްސަލަ ފުލުހަށްވެސް ހުށަހަޅާފައިވާ ކަމަށް ހާމަކޮށްފައިވެއެވެ.
ރައީސް މުއިއްޒު ފިޔާޒުއަށް އިންޒާރުދެއްވާ ބިރު ދެއްކެވީ ކޮން ސަބަބަކާ ހުރެ ކަމެއް ނަމަވެސް އަދި ހާމަވެފައިވެއެވެ.
