ދިވެހި ރައްޔިތުން މިހާރު ދެކެމުން ދަނީ ބަހަނާގެ ފަސް އަހަރު ކަމަށް ޕީޕަލްސް ނެޝަނަލް ފްރޮންޓު (ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހު އެކްސްގައި ކުރެއްވި ޕޯސްޓެއްގައި ވިދާޅުވީ، ދިވެހިން ދެކެމުން މިދަނީ "ބަހަނާ" 5 އަހަރު ކަމަށެވެ.

އެގޮތުން ވެރިކަމުގެ ފުރަތަމަ އަހަރު ނިމުނީ ކުރީ ސަރުކާރުގެ ބަހަނާއިން ކަން ފާހަގަކުރައްވާ މަލީހު ވިދާޅުވީ ރައީސް ޑރ މުހައްމަދު މުއިއްޒުގެ 2 ވަނަ އަހަރު ނިންމަވާލައްވަނީ ޑޮލަރު މާރުކޮށްގެންނޭ ކަމެއް ކުރެވޭނީ ވިދާޅުވަމުން ކަމަށެވެ.

މީގެ އިތުރުން ވެރިކަމުގެ 3 ވަނަ އަހަރު ވިދާޅުވާނީ ވެރިކަން ކުރެވޭނީ އެއަރޕޯޓުން ލާރި ލިބެންފެށީމާ ކަމަށާ 4 ވަނަ އަހަރު ފައިސާ ނެތަސް ޕްރޮޖެކްޓްތައް ފަށާނެ ކަމަށް މަލީހު ވިދާޅުވިއެވެ. އަދި 5 ވަނަ އަހަރު ދެވަނަ ދައުރުގެ ހުވަފެން ދެކެ ވަޑައިގެން މުޅި އެ އަހަރު ހޭދަކުރައްވާނީ އެކަމުގެ ވާހަކައިން ކަމަށް މަލީހު ވިދާޅުވިއެވެ.

މިފަދައިން ވިދާޅުވެ މަލީހުގެ ނުރުހުން އަމާޒުކުރައްވާފާއިމިވަނީ ރައީސް މުއިއްޒުގެ ސަރުކާރަށް ދެ އަހަރު ފާއިރުވެގެންދާއިރު ވެސް ރައްޔިތުންނަށް އޮއްޓަރު ހުރި ކަމެއް ސަރުކާރުގެ ފަރާތުން ކޮށްނުދެވި އޮއްވާކަން ފާހަގަކޮށްލެވެއެވެ.